"قامشى" پورتالى وقىرمان قاۋىمنان ءسۇيىنشى سۇرايدى. ءوز ولەڭىن اۋەنگە سالىپ ورىندايتىن الايدا ءانشى ەمەس، اقىن قىز ماقپال جۇمابايدىڭ "ماقامدى جىرلارىنان" تۇراتىن اۋديوالبوم تىڭدارمانعا جول تارتاتىن بولادى. بۇل جونىندە قۋانىشى قوينىنا سىيماعان ماقپال بىلاي دەپ جازادى: "مەنىڭ ماقامدى جىرلارىمنىڭ بولاشاعىنا سەنگەن ادامداردىڭ ءبارىن قۇتتىقتاعىم كەلەدى. وسى جوبام ق ر تۇڭعىش پرەزيدەنتى - ەلباسى قورىنىڭ مادەنيەت پەن ونەر سالاسىنداعى شىعارماشىلىق جوبالار گرانتىن جەڭىپ الدى بۇگىن. جوبام بويىنشا ونعا جۋىق ماقامدى جىرىمنىڭ ستۋديالىق وڭدەۋى جاسالىپ، مىڭ دانادان تۇراتىن "جالعىزىم" دەپ اتالاتىن اۋديوالبوم جارىق كورەدى. ءارى بۇل اۋديوالبوم كەزى كەلگەندە تەگىن تاراتىلادى. وسى جوبام بويىنشا جۇمىس بارىسىن وزدەرىڭىزبەن ءبولىسىپ وتىرامىن". ءوز اتىمىزدان اقىن قىزدى جەتىستىگىمەن قۇتتىقتاي وتىرا، شىعارماشىلىق تابىس پەن ورلەۋ تىلەيتىنىمىزدى جەتكىزگىمىز كەلەدى.