بولگاريالىق تۋريست ايەل ماكەدونيالىق وحريد قالاسىنا بارىپ، تەڭىزدىڭ جاعاسىندا سۋرەتكە تۇسپەك بولدى. فونىنا اققۋدى الىپ تۇسكىسى كەلگەن ايەلدىڭ ىرقىنا قۇس كونبەي قويعان. تۇسىرىلگەن سۋرەتتەرگە كوڭىلى تولماعان تۋريست اققۋدى كۇشتەپ جاعاعا الىپ شىققان. (dalaaadno.ru)
ءساتتى كادرلار جاساپ بولعاننان سوڭ تۋريست ايەل قۇستى ەركىنە جىبەرىپ قويا بەرەدى. الايدا، السىرەپ قالعان اققۋ جۇرۋگە شاماسى كەلمەي جاعادا قالىپ قالعان. كاۋگەرلەردىڭ ايتۋىنشا، ءبىراز ۋاقىتتان كەيىن اققۋ جاعادا جاتىپ ءولىپ قالعان ەكەن.
ءدال وسىنداي جاعداي ەلىمىزدەگى قاراعاندى وبلىسىندا دا ورىن الدى. (liter.kz)
قاراعاندىلىق ەكى تۇرعىن قىزىل كىتاپقا ەنگەن ارقاردى ۇستاپ الىپ، ونىمەن سەلفي جاساۋ ءۇشىن جانۋاردىڭ ارتقى اياقتارىن سىندىرعان. قاراعاندى ىشكى ىستەر دەپارتامەنتىنىڭ ءباسپا-سوز قىزمەتشىسىنىڭ حابارلاۋىنشا، قاراعايلى اۋىلىنىڭ ەكى تۇرعىنىن تابيعاتتى قورعاۋ پوليسيا قىزمەتكەرلەرى ۇستاپ العان.
«براكونەرلەر وسىمدىك جانە جانۋارلاردى قورعاۋ كۇزەتىنىڭ رەيد جاساپ جۇرگەن كەزىندە قولعا تۇسكەن. جىگىتتەردە ءتورت اڭشىلىققا ارنالعان يتتەر مەن جارالانعان ارقار بولعان. جانۋار قاشىپ كەتپەس ءۇشىن ونىڭ ارتقى اياقتارىن سىندىرىپ تاستاعان ەكەن. سونىمەن قاتار ارقارمەن سەلفيگە جاساۋ ماقساتىندا وزدەرىمەن بىرگە ۇيالى تەلەفون الىپ كەلگەن.»
اڭشىلىقپەن اينالىسقان ەكى جىگىتتىڭ ۇستىنەن قىلمىستىق كودەكستىڭ 337 بابىنا سايكەس «جوعالىپ بارا جاتقان جانۋارلارلارعا جورىققا شىقتى» دەگەن ايىپپەن قىلمىستىق ءىس قوزعالدى.
براكونەرلەرگە اي سايىنا 5000 تەڭگە كولەمىندە ايىپپۇل مەن 5 جىل باس بوستاندىعىنان ايىرۋ جازاسى تاعايىندالماق.
