جىنىستىق زورلىقتىڭ قۇربانى بولدىم دەگەن قىز پوليسەيدىڭ كولىگىن ايداپ كەتكەن دەپ حابارلايدى life.ru. شەريف قىزدىڭ دەنەسىن جاباتىن كيىم ىزدەپ كەتكەندە ول پوليسەيدىڭ كولىگىنە وتىرىپ قاشقان.

پوليسيا ءبىر ساعات بويى قىزدىڭ ارتىنان قۋىپ، ارەڭ ۇستادى. بۇعان دەيىن پوليسيا بولىمشەسىنە حابار كەلىپ تۇسكەن. ونداعى ادام جانارماي قۇيۋ بەكەتىندە كيىمسىز ايەل جۇرگەنىن ايتقان. پوليسيا قىزمەتكەرى جانارماي قۇيۋ بەكەتىندە بارعاندا راسىمەن دە جالاڭىش قىز جۇرگەن.

«قىز ابىرجۋلى بولدى. شەريف كومەكشىسى جانارماي قۇيۋ بەكەتىنە كىرىپ، قىزدىڭ ۇستىنە جاباتىن كيىم ىزدەپ كەتكەندە ول پوليسەيدىڭ كولىگىنە كىرىپ، ايداپ كەتكەن» دەيدى شەريفتىڭ ورىنباسارى بەن گەنري.

ەر ادام كولىكتى توقتاتۋعا تالپىنعان. ءبىراق قۇلاپ، جاراقات الدى. كۋاگەرلەر شەريف كومەكشىسىنە ءوز كولىگىن ۇسىندى. وسىلايشا قۋعىن باستالدى.

پوليسەيلەردىڭ قىزدى توقتاتۋعا دەگەن تالپىنىسى ناتيجەسىز بولدى. قىز ولاردىڭ ەسكەرتۋلەرىن ەلەمەي، قاشىپ كەتۋ ءۇشىن جىلدامدىقتى ساعاتىنا 160 شاقىرىم ۋاقىتقا دەيىن ارتتىرعان. جالاڭاش قىزدى جول بويىنداعى باعانعا سوعىلعاننان كەيىن عانا ۇستاي العان.

قىز سوعىلعان كولىكتەن شىعىپ، قاشا جونەلدى. بۇرىڭعىداي پوليسەيلەردىڭ ەشقانداي ەسكەرتۋلەرىن ەلەمەدى. ونىڭ كولىك ءجۇرىپ جاتقان جولعا شىعىپ كەتۋى مۇمكىن ەكەنىن ەسكەرىپ، ولىمگە سوقتىرمايتىن جەڭىل قارۋمەن اتىپ، اۋرۋحاناعا تەكسەرۋگە جىبەرىلدى. ال شەريفتىڭ ورىنباسارىنا مەديسينالىق كومەك كورسەتىلدى.