تۇركيا كەشە يزمير قالاسىندا بولعان لاڭكەستىك شابۋىلدى تالقىلاپ جاتقاندا، اك پارتيا (ۇكىمەت باسىنداعى پارتيا) ءتۇن جارىمىندا ءماجىلىس وتىرىسىنا ۇلكەن داۋ تۋعىزاتىن جوبا ۇسىندى دەپ حابارلايدى haberdar.com.

اكپ ءتۇن جارىمىندا تۇركيا رەسپۋبليكاسى جوعارى ماجىلىسىنە ءبىر زاڭ جوباسىن ۇسىندى. اكپ دەپۋتاتتارىنىڭ قولى قويىلىپ، ماجىلىسكە ۇسىنىلعان زاڭ جوباسى بويىنشا: كىزىل اي، يەشيل اي، دارۋلاجەزە، دارۋششافاكا جانە تۇرىك اۋە جولدارىنا بەرىلەتىن مەملەكەتكە قاتىستى جىلجىمايتىن مۇلىكتەر اتالمىش مەكەمەلەر تاراپىنان وزىندىك قۇنىنىڭ جارتى باعاسىنا ساتىلاتىن بولادى. زاڭ جوباسى «مەكەمەلەردىڭ مال-مۇلكى «تۋرگيەۆ» جانە «انسار» سەكىلدى قورلارعا ساتىلا ما؟» دەگەن سۇراق تۋعىزدى.

تۇركيا حالقى يزمير قالاسىنداعى لاڭكەستىك شابۋىلدى تالقىلاپ جاتقان ۋاقىتتا ماجىلىسكە ۇسىنىلعان زاڭ جوباسىنا قارسىلىق بىلدىرگەن  رەسپۋبليكالىق حالىق پارتيا (وپپوزيسيالىق پارتيا) دەپۋتاتى ەنگين التاي «ويان، تۇركيا! ءتۇن جارىمىنداعى قاۋلىمەن انسارعا جانە تۋرگيەۆ-كە مەملەكەت مۇلكى اۋدارىلايىن دەپ جاتىر» دەپ جار سالدى.

اتالمىش زاڭ جوباسىنا قاتىستى رحپ دەپۋتاتى گۋلاي يەدەكچي دە مالىمدەمە جاسادى. ول «تاعى دا اكپ ءتۇن جارىمىنداعى قاۋلىمەن كەلدى. قورلار مەملەكەتتىڭ مۇلكىن وزىندىك قۇنىنىڭ جارتى باعاسىنا ساتاتىن بولادى» دەدى. «اڭسار» جانە «تۋرگيەۆ» قورلارى ەل پرەزيدەنتى رەجەپ تايپ ەردوعاننىڭ ۇلى ءبىلال ەردوعانعا تيەسىلى. يزمير سەكىلدى قالادا تەررورلىق اكتى ورىن الىپ جاتقاندا اكپ سەكىلدى ەل بيلەۋشى پارتيانىڭ مۇنداي ارەكەتى ويلانتارلىق. 

بەرىك مىڭجاسار