وقۋشىلار ءداستۇرلى ەمەس دىندەردى جاقتاۋشىلاردىڭ قۇربانى بولدى. قىسىمعا ۇشىراعان ەكى كامەلەتتىك جاسقا تولماعان وقۋشىلار رەسەيدە جيھاد جاساۋعا كەلىسكەن. بۇل تۋرالى inform.kz حابارلاپ وتىر.

اقتوبە وبلىسىنىڭ مامانداندىرىلعان اۋدانارالىق سوتىنىڭ قىلمىستىق ىستەر بويىنشا تەرروريستيكالىق توپ قۇرىپ، ناسيحاتتاۋمەن اينالىسىپ، ءدىني شيەلەنىس تۋعىزدى دەگەن ايىپپەن  جەتى اقتوبەلىككە قارسى قىلمىستىق ءىس قوزعالدى. ولاردىڭ ىشىندە ەكى وقۋشى بولعان.

ولاردىڭ «ەميرى» بولىپ ءدىني ەكسترەميزمنىڭ شەتەلدىك ۋاعىزداۋشىلارىن قولدايتىن  اقتوبە تۇرعىنى  قۇدايبەرگەنوۆ تاعايىندالعان. ول رەسەي فەدەراسياسىنىڭ تۇرعىندارى مەن قۇقىق قورعاۋ ورگاندارىنىڭ قىزمەتكەرلەرىنە قارسى «قاسيەتتى سوعىستىڭ» ارانداتۋشىسى بولدى.

ءىس-قيمىل ستراتەگياسىن ازىرلەۋ ءۇشىن ولار اقتوبەدە 2016 جىلدىڭ جازىندا جالعا الىنعان پاتەرلەردە كەزدەسۋ ۇيىمداستىرىپ جۇرگەن. سونداي شەشىمدەردىڭ ءبىرى – 16 كاليبرلى اڭشىلىق مىلتىعىن رەسەيگە وزدەرىمەن بىرگە الىپ كەتۋ بولعان.

«سوتتا انىقتالعانداي، تەرروريستيكالىق توپتى ۇيىمداستىرۋ ءۇشىن ولار اقتوبەنىڭ مەكتەپتەرىنىڭ بىرىندە كەزدەسۋ ۇيىمداستىرعان. ونىڭ سەرىكتەستەرى ەكى كامەلەتكە تولماعان وقۋشىنى ەرتىپ كەلگەن – ءسابيتوۆا مەن جالعاس. ولار تەرروريستيكالىق توپقا مۇشە بولۋعا كەلىسىم بەرگەن. قۇدايبەرگەنوۆ رەسەي شەكاراسىندا ادام كوپ جينالاتىن ورىنداردا، قوعامدىق ورىنداردا، تۇنگى كلۋبتا، ساۋدا ورتالىقتارىندا تەراكت جاساۋعا جوسپارلاعان»، – دەپ ايتىلدى سوتتا.

تەرروريستەر «كومانداسىنا» جاڭا مۇشەلەردى الەۋمەتتىك جەلىلەردەن ىزدەپ وتىرعان. «ۆكونتاكتە»  الەۋمەتتىك جەلىسىنىڭ كومەگىمەن ولار ءدىني تەرروريزمدى ناسيحاتتاۋمەن اينالىسقان. جيھادقا شاقىراتىن راديكالدى جانە ەكسترەميستىك سيپاتتاعى ماتەريالداردى جۇكتەپ وتىرعان.

«ەمير» راديكالدارى مەن ونىڭ سەرىكتەرى 2016 جىلدىڭ تامىز ايىنىڭ سوڭىندا ۇستالدى. ولارمەن بىرگە جوعارىدا اتالعان مەكتەپ وقۋشىلارى دا ۇستالعان. قۇدايبەرگەنوۆ  توعىز جىلعا باس بوستاندىعىنان ايىرىلدى. ونىڭ ءتورت سەرىكتەسى 6 جىلدان 9 جىلعا سوتتالدى. ال، كامەلەتتىك جاسقا تولماعان ءسابيتوۆ پەن جالعاس تۇزەۋ مەكەمەسىندە التى جىلدان جازاسىن وتەيتىن بولادى.