ايتىس اقىنى رەتىندە حالىققا تانىلعان، قازاقستاننىڭ ەڭبەك سىڭىرگەن قايراتكەرى مۇحامەدجان تازابەك الەۋمەتتىك جەلىدە 20 جىلداي ۋاقىت بۇرىنعى ايتىسىنان ءۇزىندى ءبولىستى. اقىن ۆيدەوعا تۇسىنىكتەمە رەتىندە «1998 جىل، 9 مامىرداعى «سۋپەر-دودا» ايتىسىنان ءۇزىندى...
«اقىرىن-اقىرىن شەگىنىپ، الىستاپ كەتتى-اۋ سول جىرلار»...» دەپ جازدى.

ايتا كەتەر بولساق، اقىن 9 جەلتوقسان كۇنى دە ايتىسىنان ءۇزىندى بولىسكەن بولاتىن. جۇرت كوزىنە كوپتەن دومبىرا ۇستاپ كورىنبەگەن ول «جەلتوقسان رۋحىن» ناسيحاتتاعان ايتىسىنان ءۇزىندىنى جاريالاعان ەدى.

سوڭعى ون جىلدا انىمەن، ايتىسىمەن ساحنادان كورىنبەي كەتكەن مۇحامەدجان ورازباي ۇلى ءقازىر دىندارلىعىمەن تانىمال. ونىڭ دىنگە بەت بۇرۋى «قازاقستان» ۇلتتىق تەلەارناسىندا 2001-2002 جىلدارى ونىڭ جۇرگىزۋىمەن جارىق كورگەن «جۇماداعى جۇزدەسۋ» حابارىنان باستالسا كەرەك.

ءقازىر اقىن مۇحامەدجان تازابەك ەلىمىزدەگى كابەلدىك تەلەارنالاردىڭ ءبىرى، يسلام ءدىنىن ۇگىتتەيتىن «اسىل ارنا» تەلەارناسىنىڭ ديرەكتورى.