Forbes Kazakhstan جۋرنالى ءتورتىنشى جىل قاتارىنان «جىل كاسىپكەرىن» تاڭدادى. الدىڭعى جىلدارى اتالمىش نوميناسيانى بولات وتەمۇراتوۆ، سەرجان جۇماشيەۆ، نۇرلان سماعۇلوۆ ەسىمدى كاسىپكەرلەر جەڭىپ العان. ءار جىلى تاڭدالىپ الىنعان كاسىپكەر وقىرماندار اراسىندا قىزۋ تالقىعا تۇسەدى.

كوپتەگەن كاسىپكەر ءۇشىن 2016 جىل وڭاي سوقپادى. دەسەك تە، «جىل كاسىپكەرى» اتانۋعا ءۇش ۇمىتكەر تاڭدالدى. ناتيجەسىندە Forbes Kazakhstan  جۋرنالى  ديەۆەلوپەر BI Groupء-تىڭ باسشىسى ايدىن راحىمبايەۆتى تاڭداپ الدى دەپ حابارلايدى forbes.kz. ول قازاقستاننىڭ قۇرىلىسشىلار  قاۋىمداسىتىعى كەڭەسىنىڭ ءتوراعاسى، كاسىپكەرلەر كەڭەسىنىڭ مۇشەسى بولىپ تابىلادى.

وتكەن جىلى BI Group رەكوردتى كورسەتكىشتەگى پاتەر تاپسىردى. اتالمىش كومپانيانىڭ وتكەن جىلى سالعان بارلىق پاتەردىڭ اۋماعى 1 ميلليون شارشى شاقىرىمعا جۋىقتادى. وسىلايشا الەمدەگى ەڭ ءىرى كومپانيالاردىڭ تىزىمىنە كىردى. توپتا تشو مەن ءىرى كونتراكتىگە وتىرعان جاڭا BI Engineering حولدينگى اشىلدى. سونىمەن قاتار، كومپانيا 130 شارشى شاقىرىم جولعا بەتون توسەدى.

راحىمبايەۆ – «انالار ءۇيى» قايىرىمدىلىق جوباسىن قۇرۋ يدەياسىن ۇسىنعان جانە ونىڭ قامقورلىق كەڭەسىنىڭ ءتوراعاسى بولىپ تابىلادى. ال 2016 جىلدىڭ سوڭىندا ءوزىنىڭ جاڭا «قازاقستاننىڭ لايىقتى ازاماتى» جوباسىنىڭ جەڭىمپازىنا پاتەر كىلتىن تابىس ەتتى.

ايدىن راحىمبايەۆ تەك كاسىپكەر عانا ەمەس، جوعارى دەڭگەيلى سپورتشى، Astana Motorsport كلۋبىنىڭ ۇزدىك وندىعىنا كىرەتىن ۇشقىش جانە Ironman ترياتلونى بويىنشا حالىقارالىق جارىستىڭ قاتىسۋشىسى.

قازاقستاننىڭ ەڭ باي كاسىپكەرلەرىنىڭ ءبىرى ايدىن راحىمبايەۆتىڭ 2012 جىلدان بەرگى قارجىلىق جاعدايى:

قازاقستاننىڭ ەڭ داۋلەتتى 50 كاسىپكەردىڭ رەيتينگىسى (مامىر 2016 جىل)

$280 000 000                  

قازاقستاننىڭ ەڭ داۋلەتتى 50 كاسىپكەردىڭ رەيتينگىسى (مامىر 2015 جىل)

$325 000 000

قازاقستاننىڭ ەڭ داۋلەتتى 50 كاسىپكەردىڭ رەيتينگىسى (مامىر 2014 جىل)

$280 000 000          

قازاقستاننىڭ ەڭ داۋلەتتى 50 كاسىپكەردىڭ رەيتينگىسى (مامىر 2013 جىل)

$245 000 000

قازاقستاننىڭ ەڭ داۋلەتتى 50 كاسىپكەردىڭ رەيتينگىسى (مامىر 2012 جىل)

$200 000 000.