ۇكىمەت باسشىسى باقىتجان ساعىنتايەۆ ق ر ىشكى ىستەر ءمينيسترى قالمۇحانبەت قاسىموۆتى ۋاقىتشا تىركەۋگە بايلانىستى تۋعان دۇربلىگۋ ءۇشىن سىنعا الدى، - دەپ حابارلايدى Tengrinews.kz ءتىلشىسى.

"تاعى ءبىر ماسەلە - ازاماتتاردى ۋاقىتشا تىركەۋدى ەنگىزۋ". حقكو-لاردا قانداي جاعداي بولىپ جاتقانىن كورىپ وتىرمىز. مالىمەت از، سۇراق كوپ. ءبىزدىڭ مەمورگاندار تۇسىندىرگىسى كەلەدى، ءبىراق حالىق ونى قابىلداماي جاتىر"، - دەدى ساعىنتايەۆ.

"بىزدە زاڭعا قاشان قول قويىلدى؟"، - دەپ سۇرادى ۇكىمەت باسشىسى قاسىموۆتان.

"28 جەلتوقساندا"، - دەپ جاۋاپ بەردى مينيستر. ونىڭ ءسوزىن ساعىنتايەۆ زاڭعا 22 جەلتوقساندا قول قويىلعانىن ايتىپ، تۇزەدى.

"ءبىرىنشى رەت قاشان تۇسىندىردىك؟ ءبىز حقكو-لاردا دۇرلىگۋ تۋعاننان كەيىن عانا تۇسىندىرە باستادىق. بۇل نورمانىڭ حالىققا قاتىستى ەكەنىن تۇسىندىك، ءبىز 22 جەلتوقساندا ءتۇسىندىرۋ جۇمىستارىن باستاپ كەتە الار ەدىك، سوندا ءقازىر حقكو-لارعا كەلىپ جاتقان 40 مىڭنىڭ 17 مىڭى ۋاقىتشا تىركەۋگە كەلىپ، قالعاندارى زاڭداستىراتىن ەدى. ءبىراق ولار وسى كۇندەرى كەلمەي-اق قويسا دا بولار ەدى، سولاي ما؟ ولار ءتىپتى ءبىر جىلدىڭ ىشىندە اسىقپاي كەلە الار ەدى، ايتارلىقتاي دۇرلىگۋ تۋماس ەدى. ادامدار نە ىستەرىن بىلمەي حقكو-لارعا بارا باستادى"، - دەدى ۇكىمەت باسشىسى.