سوڭعى اپتادا قوعامدا بۇلىك تۋعىزىپ، كوپ تالقىلانعان ماسەلەلەردىڭ ءبىرى – قىتايمەن قازاق قىزدارىنىڭ نەكەگە تۇرۋى. استانا قالاسىندا ناتاليا ەسىمدى ايەلدىڭ باسشىلىعىمەن «جۇڭگو كۇيەۋ جىگىتتەرى» اتتى قازاقستاندىق قىزدارعا ارنالعان اگەنتتىك اشىلىپ، وعان حالىق ءوز نارازىلىعىن بىلدىرۋدە.
استانا قالاسىنىڭ ءبىر توپ تۇرعىنى قازاق قىزدارى مەن قىتايلاردىڭ نەكەسىنە جول بەرىلمەۋ كەرەك دەپ ۇرانداپ، ميتينگكە شىقتى.
اگەنتتىك مەكەمەسى ورنالاسقان رەسپۋبليكا كوشەسىنىڭ قيىلىسىندا 30 شاقتى ادام جينالىپ، ءوز نارازىلىقتارىن بىلدىرگەن.
«اسپان استى ۇلدارىمەن تانىسۋعا، نەكەگە تۇرۋعا نيەت بىلدىرگەن قىزداردى ازاماتتىعىنان ايىرۋ كەرەك!» - دەيدى ولار.
قولدارىنا «ەركەك جەردى قورعايدى، ايەل ۇلتتى قورعايدى» دەگەن جازۋى بار پلاكاتتار ۇستاپ شىققان. سونىمەن قاتار قازاق قىزىن العان ءاربىر جۇڭگو ەلىمىزگە $50 000 كولەمىندە سالىق تولەۋلەرى ءتيىس دەيدى.
جۇڭگو ازاماتتارىمەن تانىستىرۋمەن اينالىساتىن نەكە اگەنتتىگىن جاۋىپ، ديرەكتورىنا ايىپپۇل تولەتۋىن تالاپ ەتكەن.
،
