اقش پرەزيدەنتى باراك وباما ءوزىنىڭ قوشتاسۋ سوزىندە امەريكاندىقتاردى دەموكراتيانى قورعاۋعا شاقىردى. ءسوزىنىڭ سوڭىنا قاراي كوز جاسىنا ەرىك بەردى دەپ حابارلاعان بولاتىنبىز. وسى جايتقا پىكىر بىلدىرگەن جيرينوۆسكيي وباما كۇناسى ءۇشىن ۇيالعاندىقتان جىلادى دەپ مالىمدەدى. بۇل تۋرالى «پارلامەنتسكايا گازەتا» حابارلادى.
جيرينوۆسكييدىڭ پىكىرىنشە وباما گاۆاي ارالدارىندا گولف ويناپ ءجۇرىپ، كۇناسىن ءومىر بويىنا دەيىن ەسكە الىپ جۇرەدى، دەپ حابارلادى باسىلىم.
ۆلاديمير جيرينوۆسكيي: «ول وقۋشى سياقتى – كوپ بىلىقتار ىستەدى: ديپلوماتتاردى قايتاردى، سانكسيانى كۇشەيتتى، ونىڭ كەزىندە ترامپتىڭ جەڭىسىنىڭ ەڭبەگىن ماعان جۇكتەيتىن مالىمدەمە جاسالدى. ويتكەنى مەن دۇرىس بولجام جاساپ، شامپان ىشۋگە ۋادە بەردىم. سوڭىنا تامان وبامانىڭ ۇياتى ويانىپتى، ءبىراق ەندى كەش، ول ەندى ەشتەڭەنى وزگەرتە المايدى».
وبامانىڭ قوشتاسۋ ءسوزى ءبىر ساعاتقا سوزىلدى. وباما اقش-تىڭ وسىعان دەيىنگى پرەزيدەنتتەرىنە قاراعاندا ۇزاعىراق قوشتاستى. ءسوز سوڭىندا ول ءوز وتباسى جايلى ايتىپ، كوز جاسىنا ەرىك بەردى.
