بەسىنشى سىنىپتىڭ «قازاقستان تاريحى» كىتابىنداعى سۋرەت ادامداردىڭ ىزاسىن كەلتىردى. «سانالى ادام» اتتى تاقىرىپتىڭ استىنداعى سۋرەتتە ەر ادامنىڭ ەشقانداي لىپاسىز تۇرعانىن كورۋگە بولادى. ول ينستاگرام جەلىسىندە جاريالانىپ، ادامدار تاراپىنان قاتاڭ سىنعا ءىلىندى. پىكىر بىلدىرگەندەردىڭ اراسىندا مەكتەپتى ءبىتىرىپ كەتكەندەرى دە بار. ولار 7 جىل بۇرىن ءدال وسى كىتاپپەن وقىعانىن جازعان. ەندى ءبىرى سۋرەتتى ءاجۋا قىلدى. پىكىر بىلدىرگەندەردىڭ اراسىندا اتا-انالار كوپ. ولار بالالارىنىڭ 12 جاسىندا ءدال وسىنداي سۋرەت كورگەنىن قالامايتىنىن جەتكىزگەن.
