جەرگىلىكتى تۇرعىندار كومەك سۇراپ جازىلعان حاتتى تاۋىپ الىپ، دەرەۋ پوليسيا شاقىرتقان.

قاسكۇنەمدەر ماجبۇرلەپ ۇستاعان ماسكەۋ تۇرعىنى پاتەر تەرەزىنەن لاقتىرىلعان جازبانىڭ ارقاسىندا ءتىرى قالعان.

تەرگەۋشىلەردىڭ ايتۋىنشا، 2016 جىلدىڭ 23 جەلتوقسانىنان 2017 جىلدىڭ 8 قاڭتارىنا دەيىن ەكى بەلگىسىز ادامدار جۇمىسپەن قامتاماسىز ەتەمىز دەگەن جەلەۋمەن 39 جاستاعى جۇمىسسىزدى كيروۆوگرادسكيي كوشەسىنە شاقىرادى. ونىڭ رۇقساتىمەن قۇجاتىن الىپ، ودان كەيىن پاتەردە ۇرىپ-سوققان.

كومەك سۇراۋعا ءساتى تۋعان كەزدە، ول قۇتقارۋىن ءوتىنىپ، حات جازادى. ونى ۇستاپ وتىرعان پاتەردىڭ تەرەزەسىنەن جازبانى لاقتىرىپ جىبەرەدى. ونى بايقاپ قالعان كورشىلەر وقيعا ورنىنا پوليسيا شاقىرتادى.

رەسەيدىڭ ارنايى وپەراسيانىڭ ناتيجەسىندە كەپىلگە الىنعان تۇتقىن بوساتىلىپ، قىلمىسكەرلەر قاماۋعا الىندى. ولار 44 پەن 37 جاستاعى ماسكەۋ تۇرعىندارى بولىپ شىقتى. ولارعا قاتىستى قىلمىستىق ءىس قوزعالدى.

ەستەرىڭىزگە سالا كەتەيىك، ماسكەۋدە «ەمشىلەر» جاڭا جىل قارساڭىندا التى ناشاقوردى ۇرلاپ اكەتىپ، ولاردى پاتەردە ماجبۇرلەپ ۇستاپ وتىرعان بولاتىن.