-اياق استىنان اتا زاڭعا وزگەرىس ەنگىزۋ، پارلامەنتتىڭ ءرولىن كۇشەيتكەن بولۋ، بيلىك تارماقتارىن قايتا جاساقتاۋ – بۇل نەنىڭ بەلگىسى بولدى ەكەن؟-دەپ بەلگىلى قازاق زيالىسىنان سۇراعانىمدا، ول كىسى:

- بۇل قازاق ەلىنە ەشقانداي دا دەموكراتيانىڭ كەلۋى ەمەس، ەڭ باستىسى - شيرەك عاسىر قولدى بولعان ۇلتتىق بايلىعىمىزدى بەلگىلى تۇلعالارعا ماڭگىلىككە جەكەشەلەندىرىپ بەرۋ. قالعانى، ايتپاسا دا تۇسىنىكتى ەمەس پە؟-دەدى. مەن ول كىسىنى تاقىمداپ قويماي:

-ەرتەڭ زامان وزگەرگەندە، ەلدە ۇلكەن ساياسي وزگەرىستەر بولعاندا، ونىڭ ءبارى قاس-قاعىم ساتتە كۇشىن جوياتىن زاڭدار ەمەسپە؟ بۇل ادامدار سونى دا بىلمەگەنى مە؟-دەپ ەدىم، انا كىسى:

-ولار بىلسە دە بىلگىسى كەلمەيدى. بيلىكتىڭ ۇشار باسىنان باستاپ، تومەنگى ساتىسىنا دەيىن وتىرعانداردىڭ ەكى كوزدەرى سوقىر، ەكى قۇلاقتارى تاسكەرەڭ، سوندىقتان دا ول «قۇدايلار»، ەرتەڭىن ەمەس، تەك بۇگىنىن عانا ويلايتىندار. ەرتەڭ ولارعا نە بولسا دا ءبارىبىر. ەڭ باستىسى، وزدەرىنىڭ كوزى تىرىسىندە سول مول بايلىقتان قارپىپ اساپ قالۋ. قالعانىنا باستارىن دا قاتىرمايدى،- دەپ ءسوزىن اياقتادى...

ال، سىزدەر نە ويلايسىزدار؟

جۇماش كوكبورى