نيۋ-دەليدە 68 جاسىندا رەسەيدىڭ ءۇندىستانداعى ەلشىسى الەكساندر كاداكين قايتىس بولدى دەپ حابارلايدى ria.ru.
«الەكساندر كاداكين رەسەيلىك ديپلوماتيالىق ميسسيانىڭ باسشىسى قىزمەتىندە 2009 جىلدىڭ قاراشا ايىنان باستاپ جۇمىس ىستەي باستادى. الەكساندر كاداكيننىڭ بارلىق كاسىبي ءومىرى 1971 جىلدان بەرى رەسەي مەن ءۇندىستان قارىم-قاتىناسىنىڭ دامۋىنا ارنالدى» دەيدى ەلشىلىكتە.
الەكساندر كاداكيننىڭ ديپلوماتيالىق جۇمىسى مەن ءومىرى ۇندىستانمەن تىعىز بايلانىستى ەدى. ونىڭ ءۇندىستانداعى جۇمىسى وتە اۋىر جاعدايدا ءوتتى. سەبەبى كەڭەس وداعى قۇلاعاننان كەيىن ماسكەۋ مەن نيۋ-دەليدىڭ قارىم-قاتىناسى داعدارىس جاعدايىندا بولدى. كاداكين باسقا يندولوگ ماماندارمەن ەكى ەل اراسىندا ستراتەگيالىق قارىم-قاتىناس ورناتۋعا كۇش سالدى. ءقازىر رەسەي مەن ءۇندىستان ءدال سونداي قارىم-قاتىناستا.
1972 جىلى الەكساندر كاداكين جوعارى وقۋ ورنىن بىتىرگەننەن كەيىن، ديپلوماتيالىق قىزمەتىنە بىردەن كىرىسىپ كەتتى. 1992 جىلدان 1997 جىلعا دەيىن رەسەيدىڭ نەپالداعى ەلشىسى بولدى. ەكى جىلدان كەيىن العاش رەت ءۇندىستانعا ءىس ساپارمەن بارادى. 2005 جىلدان 2009 جىلعا دەيىن رەسەيدىڭ شۆەسياداعى ەلشىسى بولدى. 2009 جىلدىڭ قازان ايىندا ءۇندىستاننىڭ ديلوماتيالىق ميسسياسىن باسقاردى.
ديپلومات رەسەي اكادەمياسىنىڭ اكادەميگى بولدى. اعىلشىن، فرانسۋز، رۋمىن، حيندي، جانە ۋردۋ تىلدەرىن مەڭگەرگەن.
