جۇڭگو حالقىنىڭ جاڭا جىل مەيرامى شاعانعا بايلانىستى قازاقستان-قىتاي شەكاراسىنىڭ وتكىزۋ بەكەتى ۋاقىتشا جابىلدى.

«شەكاراداعى وتكىزۋ پۋنكتتەرىنىڭ بارلىعى مەرەكەگە بايلانىستى جابىلدى»،-دەپ حابارلادى ق ر ۇلتتىق قاۋىپسىزدىك كوميتەتى شەكارا قىزمەتىنىڭ  كەزەكشىسى.

سونىمەن  قاتار، جۇڭگو حالىق رەسپۋبليكاسىنىڭ قازاقستانداعى كونسۋلدىق ءبولىمى دە 2017 جىلدىڭ 27 قاڭتارى مەن 2 اقپانى ارالىعىندا جۇمىس ىستەمەيدى. بيىل قىتايدىڭ جاڭا جىلى 28 قاڭتارعا قاراعان ءتۇنى باستالدى. شىعىس كۇنتىزبەسى بويىنشا جۇڭگو جاڭا جىلىنىڭ بەلگىلى ءبىر بەلگىلەنگەن كۇنى جوق، سوندىقتان ءار جىلدا ءار كۇندەرى تويلانادى. جاڭا جىلدى قىتايلار ايعا قاراپ بىلەدى، ياعني، جىلدىڭ العاشقى ايىنداعى ءبىرىنشى تولعان اي ءتۇنى جۇڭگو حالقىنىڭ جاڭا جىلى باستالادى. جانە دە بۇل ەلدەگى جاڭا جىل ون بەس كۇنگە جالعاسادى. 

ايتا كەتەتىن بولساق، جۇڭگو مەن قازاقستان اراسىندا قورعاس جانە دوستىق كەدەن بەكەتتەرى ورنالاسقان.