قازاقستان ستراتەگيالىق زەرتتەۋلەر ينستيتۋتى الەمنىڭ ەڭ ۇزدىك تالداۋ ورتالىقتارىنىڭ قاتارىنان كورىندى. 2016 جىلعى تالداۋ ورتالىقتارىنىڭ دۇنيەجۇزىلىك يندەكس-رەيتينگىنە سايكەس، قسزي – الەمنىڭ 6 مىڭنان استام ساراپتامالىق ينستيتۋتتارى مەن ورتالىقتارىنىڭ ىشىندە ۇزدىك 150-گە كىردى.

الەۋمەتتىك جەلىدەگى جازباسىندا وسىنداي ءسۇيىنشى حابارمەن بولىسكەن قازاقستان ستراتەگيالىق زەرتتەۋلەر ينستيتۋتىنىڭ ديرەكتورى، ساياساتتانۋشى ەردان قارين بۇل رەيتينگتىڭ پەنسيلۆانيا ۋنيۆەرسيتەتىنىڭ ارنايى زەرتتەۋ باعدارلاماسى اياسىندا جاسالىپ وتىرعانىن جەتكىزەدى. وعان سايكەس، 1989 جىلدان بەرگى الەمنىڭ 6000-نان استام زەرتتەۋ ورتالىقتارىنىڭ دامۋ ۇردىستەرى سارالانادى.

جاڭا رەيتينگكە سەنسەك، قاۋىپسىزدىك، قورعانىس پەن سىرتقى ساياسات سالاسى بويىنشا قسزي ۇزدىك جۇزدىككە ەنىپ، 95 – ورىنعا يە بولعان. ال ۇزدىك مەملەكەتتىك «وي-تالقى» ورتالىقتارىنىڭ ىشىندە 56 – ورىنعا قول جەتكىزگەن. ورتالىق ازياداعى ەڭ ۇزدىك تالداۋ قۇرىلىمدارى ىشىندە وتاندىق زەرتتەۋ ينستيتۋتى ۇزدىك ۇشتىكتەگى ورنىن ساقتاپ قالعان.

سونداي-اق، دۇنيەجۇزىلىك رەيتينگكە باسقا دا قازاقستاندىق ساراپتاما ورتالىقتارى، اتاپ ايتساق، الەمدىك ساياسات جانە ەكونوميكا ينستيتۋتى، قوعامدىق ساياساتتى تالداۋ ورتالىعى، سۇلەيمەنوۆ اتىنداعى شىعىستانۋ ينستيتۋتى، ۇلتتىق تالداۋ ورتالىعى، ەكونوميكالىق زەرتتەۋلەر ينستيتۋتى، ت.ب. ەنگەن.     

دۇنيەجۇزىلىك رەيتينگتە وزگە دە قازاقستاندىق تالداۋ قۇرىلىمدارى بار ەكەن. اتاپ ايتساق، الەمدىك ساياسات جانە ەكونوميكا ينستيتۋتى، قوعامدىق ساياساتتى تالداۋ ورتالىعى، ر.سۇلەيمەنوۆ اتىنداعى شىعىستانۋ ينستيتۋتى، ۇلتتىق تالداۋ ورتالىعى، ەكونوميكالىق زەرتتەۋلەر ينستيتۋتى جانە كيمەپ ۋنيۆەرسيتەتى.

بۇل كورسەتكىشتەر قازاقستاندا زەرتتەۋ قۇرىلىمدارىنىڭ ءرولىنىڭ ارتقاندىعىن بىلدىرەدى.

وتاندىق ساراپتاۋ ورتالىقتارىنىڭ عىلىمي-ساراپشىلىق ماتەريالدارىنا شەت ەلدەردە ءجيى سىلتەمە جاسالادى.

ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى قازاقستان رەسپۋبليكاسى پرەزيدەنتىنىڭ 1993 جىلعى 16 ماۋسىمداعى جارلىعىمەن قۇرىلدى. 2014 جىلدىڭ ءساۋىر ايىندا مەملەكەت باسشىسىنىڭ جارلىعىمەن قسزي استاناعا كوشىرىلدى.