2014 جىلى ءۇندىستانداعى پەندجاب ايماعىندا 14 جاستاعى بالا 7 ايلىق قىزدى زورلاپ كەتەدى. 3 جىلدان كەيىن 17 جاسقا تولعان كۇدىكتى سوت الدىندا جاۋاپ بەرۋ كەرەك بولادى.

الايدا الدەبىر سەبەپتەرگە بايلانىستى سوت كەيىنگە شەگەرىلە بەرەدى. قىزدىڭ تۋعان-تۋىسى قانداي كۇيدە بولعانىن ەلەستەتە الاسىز با؟ ولار 3 جىل بويى جىگىتتىڭ جازا الۋىن كۇتىپ جۇرەدى، ءبىراق كەنەتتەن سوتتى كەيىنگە شەگەرە بەرەدى.

قىزدىڭ پارميندەر سينگح ەسىمدى  25 جاستاعى اكەسى جوسپار قۇرا باستايدى. قىزدىڭ اكەسى قىز زورلاۋشى جەتكىنشەككە موتوسيكلمەن قايتادان قالاعا دەيىن جەتكىزۋگە ۇسىنىس جاسايدى. ول جىگىتتى ءبارىن سوتسىز شەشۋگە بولاتىنىن ايتىپ سەندىرەدى.

الايدا قالاعا جەتكىزۋدىڭ ورنىنا سينگح كانالعا بارىپ، جەتكىنشەكتى اعاشقا بايلاپ قويادى. سوسىن ول ونى ۇرىپ-سوعىپ، ەكى قولىن شاۋىپ تاستايدى.

كەيبىر ادامدار جىگىتتىڭ ايقايىن ەستىپ، كومەككە كەلەدى.

پوليسيا كەلىپ جەتكەندە، سينگح وقيعا ورنىندا بولماي شىعادى. وعان ادام ءولتىرۋ بويىنشا كىنا تاعىلىپ وتىر. ەگەر ادامدار دەر كەزىندە كەلمەگەندە، جىگىت ءتىرى قالماس ەدى.

ءۇندىستانداعى سەكسۋالدى ءزابىر كورگەن جاعدايدا وسى سىندى كەك الۋشىلىق ءجيى كەزدەسەدى. سوت جۇيەسى مۇنداي سۇراقتارعا وتە ءجاي جاۋاپ بەرەدى. ال، وعان شىداي الماعان وتباسىلار وزدەرىنشە جازالايدى ەكەن.