1941-1945 جىلدارداعى ۇلى وتان سوعىسىنا قاتىسقان قاتارداعى جاۋىنگەر نيكولاي سوروكيننىڭ سۇيەگى قازاقستانعا جەتكىزىلدى. بۇل تۋرالى 24.kz حابارلايدى.

ول 1944 جىلى نەمىس باسقىنشىلارىنان ەستونيانى ازات ەتۋدە قازا بولعان.

جەرلەۋ ءراسىمىن اسكەري قىزمەتشىنىڭ تۋعان قالاسى سەمەيدە وتكىزۋ جوسپارلانىپ وتىر. قازىرگى ۋاقىتتا سۇيەكتەرى استانا اكەلىنىپ، ق ر قارۋلى كۇشتەرىنىڭ ۇلتتىق اسكەري-پاتريوتتىق ورتالىعىندا اسكەري جورالعىلاردى جاسالىنىپ، ەستەلىك ءىس-شارالارى ۇيىمداستىرىلدى. باتىر قازاق باتىرىنا قۇرمەت كورسەتۋ ءۇشىن ارداگەرلەر ۇيىمى، «جاس ۇلان» رەسپۋبليكالىق اسكەري مەكتەبى مەن اسكەري-پاتريوتتىق كلۋبتاردىڭ تاربيەلەنۋشىلەرى، استاناداعى وقۋ ورىنداردىڭ اسكەري كافەدرالاردىڭ ستۋدەنتتەرى جينالدى.

«ىزدەستىرۋ ءىس-شارالارىنىڭ ناتيجەسىندە «ەرلىگى ءۇشىن» مەدالىمەن بىرگە نيكولاي فەدوروۆيچ سوروكيننىڭ سۇيەكتەرى تابىلدى. مەدال ءنومىرىنىڭ ارقاسىندا ونىڭ ءوزىن انىقتاۋعا مۇمكىندىك بولدى، سودان سوڭ جاقىندارى مەن تۋىستارىن ىزدەستىردىك. ساربازدىڭ سۇيەكتەرىن تۋعان جەرىنە قايتارعانىمىزعا وتە قۋانىشتىمىز»، - دەدى ەستوندىق Front Line اسكەري-تاريحي بىرلەستىكتىڭ وكىلى اندرەي لازۋرين.

وسىنداي ەستەلىك ءىس-شارالارى «شىعىس» وڭىرلىك قولباسشىلىعى اسكەرلەرىنىڭ باسشىلىعىمەن سەمەي قالاسىنداعى گارنيزوننىڭ وفيسەرلەر ۇيىندە وتكىزىلەدى.