تۇركى اكادەمياسى حالىقارالىق ۇيىمى (TWESCO) 2017 جىلعى 7 اقپان كۇنى «جويىلىپ بارا جاتقان تۇركى تىلدەرى» اتتى كوپتومدىق ەڭبەكتى، سونداي-اق ارال تەڭىزىنىڭ تاعدىرىنا ارنالعان دەرەكتى ءفيلمدى قالىڭ كوپشىلىككە تانىستىرۋدى جوسپارلاپ وتىر.

بۇدان بولەك، القالى جيىندا اكادەميانىڭ موڭعولياداعى شيۆەەت ۋلان عۇرىپتىق كەشەنىنە جاساعان ءىى حالىقارالىق ارحەولوگيالىق ەكسپەديسياسىنىڭ عىلىمي جاڭالىقتارى مەن قورىتىندىلارى تانىستىرىلادى.

بۇل سالتاناتتى شاراعا كورنەكتى مەملەكەت جانە قوعام قايراتكەرلەرى، ۇلتتىق-مادەني ورتالىق جەتەكشىلەرى، قازاقستان مەن شەت ەلدەردەن كەلگەن بەلگىلى تۇركىتانۋشى، ادەبيەتشى، تاريحشى عالىمدار، ديپلوماتتار، سونداي-اق زيالى قاۋىم وكىلدەرى قاتىسادى دەپ كۇتىلەدى.

ءىس-شارا ق ر ۇلتتىق اكادەميالىق كىتاپحاناسى، «مىرزاتاي جولداسبەكوۆتىڭ مەموريالدىق كىتاپ كوللەكسياسى» زالىندا، ساع.11.00-دە وتەدى.