قازاقستان ازاماتتارى كونستيتۋسيادا بولاتىن كەيبىر وزگەرىستەرگە ۇزىلدى-كەسىلدى قارسى بولىپ جاتىر دەپ حابارلايدى «قامشى» ءتىلشىسى. اسىرەسە الەۋمەتتىك جەلىدەگى قولدانۋشىلار، تانىمال تۇلعالاردان باستاپ قاراپايىم ازاماتتارعا دەيىن اتالعان باپتاعى وزگەرىسكە قارسى تولقىپ جاتىر.

تۇسىندىرە كەتەتىن بولساق، 25 قاڭتاردا «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن بۇكىلحالىقتىق تالقىلاۋ تۋرالى پرەزيدەنت نۇرسۇلتان ءابىش ۇلىنىڭ جارلىعى شىققان بولاتىن. 2017 جىلعى 26 قاڭتار - 2017 جىلعى 26 اقپان ارالىعىندا وتكىزىلەتىن بۇكىل حالىقتىق تالقىلاۋعا ۇسىنىلعان «ق ر كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى»  زاڭ جوباسىنداعى 26 باپقا قاتىستى وزگەرتۋ تومەندەگىدەي:

1. 26-باپتىڭ 1 جانە 2-تارماقتارى مىناداي رەداكسيادا جازىلسىن:

      «1. اركىم زاڭدى تۇردە العان قانداي دا بولسىن مۇلكىن جەكە مەنشىگىندە ۇستاي الادى.

      2. جەكە مەنشىك قۇقىعىنا قول سۇعىلمايدى. مەنشىككە، ونىڭ ىشىندە مۇراگەرلىك قۇقىعىنا زاڭمەن كەپىلدىك بەرىلەدى. ەگەر كونستيتۋسيادا وزگەشە كوزدەلمەسە، زاڭدى جولمەن الىنعان مۇلىككە مەنشىك قۇقىعىن شەكتەيتىن نەمەسە ودان ايىراتىن زاڭداردى جانە وزگە دە قۇقىقتىق اكتىلەردى قابىلداۋعا جول بەرىلمەيدى.».

ال، كونستيتۋسيادا بۇل باپ:

26-باپ

1. قازاقستان رەسپۋبليكاسىنىڭ ازاماتتارى زاڭدى تۇردە العان قانداي دا بولسىن مۇلكىن جەكە مەنشىگىندە ۇستاي الادى.

2. مەنشىك، ونىڭ ىشىندە مۇراگەرلىك قۇقىعىنا زاڭمەن كەپىلدىك بەرىلەدى.»، - دەپ كورسەتىلگەن.

ماسەلە مىنادان تۋىنداپ وتىر – قازىرگى كونستيتۋسيامىزدا ق ر ازاماتى دەپ كورسەتىلسە، ال قازىرگى وزگەرتپەكشى بولىپ وتىرعان باپتا «ق ر ازاماتى» دەگەن ءسوزدى جويىپ «اركىم» جەر مەن كاسىپورىندى ساتىپ الۋعا رۇقسات دەپ مەڭزەپ تۇر. دەمەك كەز كەلگەن شەتەل ازاماتى جەر مەن كاسىپورىنداردى ساتىپ الۋعا قاقىسى بار دەگەن ءسوز.

وسىعان بايلانىستى «قامشى» ءتىلشىسى الەۋمەتتىك جەلىدەگى بىرنەشە قارسىلىق ۋاجدەردى تىزبەلەپ كوردى.

ايتا كەتەر بولساق، مەملەكەت باسشىسى بۇكىلحالىقتىق تالقىلاۋعا شىعارعان «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىنا قاتىستى ۇسىنىستار 2017 جىلعى 26 قاڭتاردان 2017 جىلعى 26 اقپانعا دەيىن مىنا مەكەنجايدا قابىلدانادى:
010000، استانا قالاسى ەسىل اۋدانى ۇكىمەت ءۇيى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قۇقىق ءبولىمى، ەلەكتروندىق پوشتا – ap2017@akorda.kz