بۇگىن استانادا سيريا بويىنشا رەسەي يران، جانە تۇركيا دەلەگاسيالارى مەن بۇۇ وكىلى باس قوسقان بىرلەسكەن جەدەل توپتىڭ وتىرىسى باستالدى، دەپ حابارلايدى "قامشى".

وتىرىستا وتكەن جىلعى جەلتوقساننىڭ 29-ى كۇنى جاسالعان كەلىسىمگە سايكەس ورناعان بەيبىتشىلىك ءتارتىبىن باقىلاۋعا قاتىستى ماسەلەلەردى تالقىلاۋ جالعاسىن تابادى.

بۇعان دەيىن قاڭتاردىڭ 23-24 كۇندەرى استانادا وتكەن كەلىسسوزدەر قورىتىندىسى بويىنشا يران، رەسەي جانە تۇركيا رەسمي وكىلدەرى سيرياداعى اتىستى توقتاتۋ ءتارتىبىن قاداعالاۋدىڭ مەحانيزمىن قۇرۋ تۋرالى كەلىسكەن. بۇگىن استانادا مەحانيزمنىڭ جاي-جاپسارىن جانە ونىڭ ىسكە اسىرىلۋىن تالقىلايدى.

رەسەيدىڭ قورعانىس ءمينيسترى مۇنداي كەزدەسۋلەر ەندى استانادا ءجيى ءوتىپ تۇراتىنىن مالىمدەدى. ءوز كەزەگىندە قازاقستاننىڭ سىرتقى ىستەر مينيسترلىگى باسشىسى قايرات ابدراحمانوۆ جۇما كۇنگى كەزدەسۋ تەحنيكالىق سيپاتتا وتەتىنىن جەتكىزگەن ەدى.

كەزدەسۋدە رەسەي، تۇركيا، يران مەن بۇۇ، سونداي-اق، يوردانيانىڭ دا وكىلدەرى قاتىساتىن بولادى.