فوتوگراف مەحمەت گەنچ الەمدى ارالاپ، ءتۇرلى ەلدىڭ ايەلدەرىن ماقتاۋ ءسوزىن ايتقانعا دەيىن جانە كەيىنگە بەينەسىن فوتوعا تۇسىرەدى دەپ جازادى bbc.com.

ەكى جىل بۇرىن تۇرىك فوتوگرافى مەحمەت گەنچ لاتىن امەريكا ەلدەرىن ارالاپ، جاڭا  جوبا جاسادى.

2015 جىلدىڭ قاڭتار ايىندا ول مەكسيكالىق سان-كريستوبال-دە-لاس-كاساس مۋنيسيپاليتەتىندە بولدى. مودەلگە ءوزىن ەركىن سەزىنۋى ءۇشىن كۇلىمسىرەۋىن ءوتىندى. الايدا، ول شىنايى شىقپادى. سول كەزدە فوتوگراف ونى «سەن سۇلۋسىڭ» دەدى.  وسىدان كەيىن سۋرەت شىنايى شىقتى. فوتوگراف «سەن سۇلۋسىڭ» جوباسىمەن جۇمىس ىستەۋدى ۇيعاردى.

گەنچ ءالى دە الەمدى ارالاپ، جوباسى بويىشا جۇمىسىن جالعاستىرۋدا. 2017 جىلدىڭ قازان ايىندا «سەن سۇلۋسىڭ» جوباسىن اياقتاۋدى جوسپارلاپ وتىر.

گەنچتىڭ سايتقا جاريالاعان فوتوسۋرەتتەرىنەن قاراپايىم ءسوز ادامعا قالاي اسەر ەتۋى مۇمكىن ەكەنىن كورە الاسىز.  

ماتيلداعا  (گۆاتەمالا) گەنچ كۇلىمسىرەۋىن وتىنگەندە ول «مەنىڭ ءتىسىم جوق، وتىنەمىن مەنى كۇلۋگە ماجبۇرلەمەڭىزشى» دەگەن  ەكەن.  

الايدا، ونى سۇلۋ دەپ اتاعاندا ول ءتىسى تۋرالى مۇلدە ويلامادى دا. «ءبىز كوپ كۇلدىك. بۇل جاعىمدى ساتتەردىڭ ءبىرى بولدى. ماتيلدانىڭ فوتوسۋرەتتەرى مەنىڭ ەڭ سۇيىكتى سۋرەتتەرىمنىڭ ءبىرى» دەيدى گەنچ.

مارگاريتا ەكۆادوردىڭ وتاۆالو قالاسىندا دالادا جەمىس-جيدەك ساتىپ تۇردى. گەنچ ودان كوپ تاۋار ساتىپ العاننا كەيىن، ول فوتوعا تۇسىرۋىنە كەلىسىمىن بەردى.

 گەنچتىڭ كۇلىمسىرەۋ تۋرالى ءوتىنىشى ءوز ناتيجەسىن بەرمەسە دە، «سەن سۇلۋسىڭ» ءسوزى ونىڭ شىنايى كۇلكىسىنە سەبەپكەر بولدى.  

كولۋمبيانىڭ وتە شالعايدا ورنالاسقان سەررا-نيەۆادا-دە-سانتا-مارتا زارەككيم جەرىندە تەك ارۋاكو تىلىندە سويلەيدى.

بۇل اۋىلعا كەلگەننەن كەيىن گەنچ ارۋاكا تىلىندە «سەن ادەمىسىڭ» ءسوزىن قالاي ايتۋ كەرەكتىگىن ۇيرەنىپ الدى. وسى كۇتپەگەن ءسوزدى ەستىگەننەن كەيىن زارەككيم كۇلىمدەي باستادى.

حۋلياننامەن گەنچ كولۋمبيانىڭ سولتۇستىگىندە ورنالاسقان اۋىلدا تانىستى.

بۇل جەر وتە قۇرعاق. كەيبىر ايلاردا جاڭبىر مۇلدە جاۋمايدى. سوندىقتان حۋليانا كۇننەن ساقتانۋ ءۇشىن بەتىن ارنايى بەت پەردەمەن بۇركەپ العان.

ول قولونەر ساتىپ تۇرعان. گەنچتىڭ ماقتاۋ ءسوزى ونىڭ كۇلىمسىرەۋىنە سەبەپكەر بولدى.

مارۋبو تايپاسىنىڭ وكىلى مەتو برازيليانىڭ امازونيا شتاتىندا تۇرادى. ول دا تەك ءوز انا تىلىندە عانا سويلەيدى.

فوتوگراف بىرنەشە سالەمدەسۋ سوزدەرى مەن ءوزىنىڭ ماقتاۋ ءسوزىن ۇيرەنىپ الدى. «سەن سۇلۋسىڭ» سوزىنەن كەيىن  مەتونىڭ شىنايى كۇلكىسىنە كۋا بولاسىز.

ميمبا مەن ماييا دا برازيليالىق مارۋبو تايپاسىنىڭ وكىلدەرى. ميمبا وتە ۇيالشىق. گەنچ تەك ەكىنشى كۇنى عانا فوتوعا تۇسىرۋگە رۇقسات الدى.

ول «سەن سۇلۋسىڭ» ءسوزىن ەسستىگەننەن كەيىن ءوزىن ەركىن سەزىنە باستادى.

التەنا ءوز ءۇيىنىڭ وڭ قاناتىندا وتىردى.

گەنچ ونىڭ جىلى شىرايلى دەپ ەسكە الادى. فوتوگراف وعان «سەن سۇلۋسىڭ» دەگەننەن كەيىن، التەنا كۇلىمدەپ قويا بەردى.

كوسميتا اتالاييا-دو-نورتەنىڭ تاعى ءبىر تۇرعىنى. گەنچتىڭ ماقتاۋ ءسوزى وعان قالاي اسەر ەتكەنىن قاراڭىز.

«ەشبىرىنە «سەن سۇلۋسىڭ» ءسوزى ءدال بىلاي اسەر ەتپەگەن» دەپ ەسكە الادى فوتوگراف.