سوڭعى ۋاقىتتا الەۋمەتتىك جەلى قولدانۋشىلارىن شۋلاتىپ، ءبىراز تالقىعا تۇسكەن "سينيي كيت، تيحيي دوم" اتتى ويىن حالىقتى ءبىراز شۋلاتقان ەدى. اتالمىش ويىنعا جاسوسپىرىمدەردىڭ قىزىعۋشىلىعى ارتىپ، 180 قازاقستاندىق قاتىسىپ ءجۇر دەگەن مالىمەت تاراعان بولاتىن.
5-tv.ru پورتالىندا حابارلانعانداي، اتالمىش ويىندى ۇيىمداستىرىپ، جاسوسپىرىمدەردىڭ ساناسىن ۋلاپ، وز-وزىنە قول جۇمساۋعا ۇگىتتەگەن، اقىر سوڭىندا مەكەن-جايىن تاۋىپ الىپ تۋىستارىڭدى ولتىرەمىن دەپ قورقىتقان ازامات 2016 جىلدا قولعا تۇسكەن ەدى، دەپ حابارلايدى "قامشى".
دەرەككوزدە كورسەتىلگەندەي، ۇستالعان رەسەيلىك ازامات - فيليپپ بۋدەيكين. ول 15 ءجاسوسپىرىمنىڭ ولىمىنە سەبەپشى بولعان، سونىمەن قاتار، جاسوسپىرىمدەردى وز-وزىنە قول جۇمساۋعا يتەرمەلەدى دەپ ايىپتالعان بولاتىن. ءتارتىپ ساقشىلارى ونى ۇستاعان ساتتە ول ديۆاننىڭ استىنا تىعىلىپ، قارسىلىق بىلدىرگەن.
تەرگەۋ جۇمىسى بارىسىندا فيليپپ بۋدەيكيننىڭ ۆكونتاكتە جەلىسىندە جاسوسپىرىمدەردى وز-وزىنە قول جۇمساۋعا ۇگىتتەيتىن جابىق توپ اشىپ، پسيحولوگيالىق تۇرعىدان ءالسىز جاستاردى جيناعان. توپتا نەگاتيۆتى كوڭىل-كۇي مەن ءولىم ناسيحاتتالىپ، كەيىننەن كەزەڭ-كەزەڭىمەن تاپسىرما بەرىپ وتىرعان.
الايدا، اتالمىش ويىن تاعى دا باستالدى دەپ جاستار شۋاسقان ەدى، كەيبىرەۋلەرى، ءتىپتى، العاشقى كەزەڭنىڭ تاپسىرماسىن الىپ تا ۇلگەرگەن. الايدا، تاڭەرتەڭ عانا اشىلىپ تۇرعان سۋيسيدكە شاقىراتىن توپ جابىلىپ قالعان.
پىكىر قالدىرۋ