رەسەي ازاماتىن وزبەكستان ازاماتشاسىن جىنىستىق قۇلدىقتا ۇستادى دەگەن كۇدىكپەن ۋاقىتشا ۇستاۋ يزولياتورىنا ەكى ايعا قامادى دەپ حابارلايدى ratel.kz.

«كۇدىكتىگە قاتىستى ەكى ايعا قاماۋعا الۋ تۋرالى شەشىم شىقتى» دەيدى قازىبەك اۋداندىق №1 قاراعاندى سوتىنىڭ باسپا ءسوز قىزمەتى.  

رەسەيلىك  ق ر قىلمىستىق كودەكسىنىڭ 128 بابى بويىنشا، ياعني «ادام ساۋداسى» جانە قك 149 بابى «تۇرعىن ۇيگە قولسۇعىلماۋشىلىقتى بۇزۋ» بويىنشا ايىپتالىپ وتىر.

ءىس ماتەريالىندا وزبەكستاندىق قىزدىڭ قازاقستانعا اقشا تابۋ ماقساتىندا كەلىپ، جىنىستىق قۇلدىققا تاپ بولعانى جازىلعان. ونىڭ بارلىق قۇجاتتارىن تارتىپ الىپ، الماتىداعى جالدامالى پاتەردە ۇستاعان. قىزدىڭ  تاعدىرىن 28 جاسار رەسەي ازاماتى شەشىپ وتىردى. الماتىدا ول بىرنەشە اي بويى جەزوكشە بولىپ جۇمىس ىستەگەن. ودان كەيىن رەسەي ازاماتى ونى قاراعاندىلىق جەڭگەتايلارعا ساتىپ جىبەرگەن ەكەن. سومماسى ايتىلمادى. وزبەكستان ازاماتشاسىن قاراعاندى وبلىستىق ىشكى ىستەر دەپارتامەنتىنىڭ پوليسەيلەرى بوساتتى.

ءىىد باسپا ءسوز قىزمەتىنىڭ مالىمەتىنشە، ۇيىمداسقان قىلمىسپەن كۇرەس باسقاراماسىنىڭ قىزمەتكەرلەرى تۇتقىن ايەلدى جىنىستىق قۇلدىقتان بوساتىپ، رف ازاماتىن ۇستادى. ودان بولەك جەڭگەتايلىق جانە ادام ساۋدالادى دەگەن كۇدىكپەن 37 جاسار قاراعاندى تۇرعىنى مەن 30 جاسار شاحتينسك قالاسىنىڭ تۋماسى ۇستالدى.