ەستونيانىڭ سىرتقى ىستەر مينيسترلىگى سۆەن ميكسەر ماسكەۋمەن ديالوگتى كۇش كورسەتۋ ارقىلى جۇرگىزۋ كەرەك ەكەنىنە سەنىمدى. ول ءپۋتيندى تەك «قورقىتۋمەن» عانا ىقپال ەتۋگە بولاتىن راسيونالدى جانە ەسەپشىل ادام رەتىندە سانايدى جانە ناتو بۇل جۇمىسپەن اينالىسىپ جاتىر.

بۇل تۋرالى ساياساتكەر Helsingin Sanomat فيندىق باسپاسوزگە بەرگەن سۇحباتىندا مالىمدەدى.

ونىڭ سوزىنشە، «رەسەي كورشى مەملەكەتتەرگە قاتىستى ەكى رەت اسكەري كۇشىن قولداندى، 2008 جىلى گرۋزيادا جانە 2014 جىلى ۋكراينادا. بۇل كەزدەيسوقتىق ەمەس. اڭگىمە ءتارتىپ تۋراسىندا بولىپ وتىر»، – دەدى سۆەن ميكسەر.

داۋعا اينالعان بۇل پىكىرلەر الەۋمەتتىك جەلىدە كوپ تالقىعا ءتۇستى. سوڭىندا ەستونيانىڭ سىم-ىنە باسشىسىنىڭ ءسوزىن تۇسىندىرۋگە تۋرا كەلدى.

مينيسترلىكتىڭ دۇرىس ەمەس اۋدارىلعان ءسوزىن ءتۇسىندىرىپ، ءسىم وكىلى ساندرا كاميلوۆا جەرگىلىكتى باسىلىمدارعا بەرگەن سۇحباتىندا مەكەمە باسشىسى heidutus تەرمينىن قولدانعانىن العا تارتتى. ال، ول ورىس تىلىندە «تەجەۋ ساياساتى» دەگەن ماعىنانى بەرەدى ەكەن. ءتىپتى، قورقىتۋ، ۇركىتۋ سوزدەرى ەمەس ەكەن، – دەپ حابارلايدى Sputnik.