ارمەنيالىقتار تاۋلى قاراباقتاعى ايماعىنداعى قاقتىعىستى بارىنشا توقتاتقىسى كەلەدى. بۇل كەلەڭسىزدىكتەرگە قاتىستى جاڭا باستامالار كوتەرىلگەن جەردە ەڭ الدىمەن قاراباق سەپاراتيستەرىن كەلىسسوزدەر ۇستەلىنە قايتارۋ ماسەلەسىن كوتەرەتىن بولعان.

تاۋلى قاراباقتاعى تەكەتىرەستى توقتاتۋ ماقساتىندا جاڭا باستامالار ۇسىنا الاتىن نۇرسۇلتان نازاربايەۆتان ارمەنيالىقتار كەشىرىم سۇراۋدى تالاپ ەتىپ وتىر، دەپ حابارلايدى aze.az، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

نۇرسۇلتان نازاربايەۆتىڭ بۇل ىسكە قاتىستى جۇرگىزىپ وتىرعان ساياساتى ارمەنيالىقتاردىڭ كوڭىلىنەن شىقپاعان ءتارىزدى.

انىعىن ايتقاندا، تاۋلى قاراباق ماسەلەسىمەن ارمەنيا ەاەو-عا مۇشە بولا المايدى دەگەن مالىمدەمەسىنە قاتتى اشۋلانىپ وتىر. 29 مامىر كۇنى ەو-نى قۇرۋ ماسەلەسى جونىندەگى قۇجاتقا قول قويعاندا وسىنداي مالىمدەمە جاساعان بولاتىن.

ارمەنيا پرەزيدەنتى سەرج سارگسيان ارىپتەستەرىنەن 2014 جىلدىڭ 15 ماۋسىمىنا دەيىن ەو-عا مۇشە بولۋ ءۇشىن قول قويۋعا مۇمكىندىك سۇراعان. بۇل سۇراققا نۇرسۇلتان نازاربايەۆ ارمەنيا ەو مەن كەدەندىك وداققا مۇشە بولا المايتىندىعىن ايتقان ەكەن.

«سىزدەر دسۇ-عا قالاي كىرسەڭىزدەر، ەو-عا دا ءدال سولاي بۇۇ اياسىندا كرۋلەرىڭىز كەرەك. ءبىز ءازىربايجان پرەزيدەنتىنەن حات الدىق. حاتتا ايتىلعانداي، سىزدەر دسۇ-عا مۇشەلىككە ەنگەن كەزدەرىڭىزدە بۇۇ اراسىندا قابىلدانعان ەرەجەلەر ارمەنيا ەلىنە دە تارالادى دەگەن ۋادە بەرگەن بولاتىنسىزدار»، - دەپ مالىمدەدى نازاربايەۆ.

ارمەنيالىقتار مۇنى ۇمىتقان جوق. الايدا، اقىلعا قونىمسىز تالاپتارىمەن ارمەنيانىڭ ۇلتتىق جينالىسىندا  ءىى پارلامەنتىنىڭ كوميسسيا مۇشەسى تيەۆان پوگوسيان مالىمدەمە جاسادى.

«ەگەر قازاقستان، شىن مانىسىندە، تاۋلى قاراباقتاعى كەلەڭسىزدىكتەردى رەتتەگىسى كەلسە، ەڭ الدىمەن ءۇش ەلدىڭ كەلىسىمىن الۋى قاجەت: باكۋ، ەريەۆان جانە قۋىرشاق رەجيمىندە تۇرعان تاۋلى قاراباق.  ەگەر قازاقستان پرەزيدەنتى نۇرسۇلتان نازاربايەۆ قاراباق ماسەلەسىنە اتسالىسقىسى كەلسە، ەريەۆان مەن حانكەندىگە ات باسىن بۇرىپ، ارمەنياعا قارسى جۇرگىزگەن ساياساتى ءۇشىن كەشىرىم سۇراپ، ارمەنيالىقتاردىڭ سەنىمىنە يە بولۋى قاجەت»، - دەيدى پوگوسيان.

«قازاقستان تاۋلى قاراباق ماسەلەسىن تولىققاندى شەشۋ ءۇشىن بار كۇشىن ايامايدى. بۇل ماسەلە استانانى الاڭداتىپ وتىر جانە ونىڭ ازىربايجانمەن اراداعى ديپلوماتيالىق كەلىسىم ءۇشىن ءقاۋىپ تۋدىرىپ وتىر. ءازىربايجان – ءبىزدىڭ باۋىرلاس مەملەكەتىمىز، ال ارمەنيا ينتەگراسيالىق جوبالاردى ىسكە اسىرۋدا ءبىزدىڭ سەرىكتەسىمىز. سول سەبەپتى دە، قازاقستان تاۋلى قاراباق ماسەلەسىنىڭ تۇبەگەيلى شەشىمىن تابۋعا بارىنشا كومەكتەسەدى»، - دەپ مالىمدەدى قازاقستان پارلامەنتىنىڭ دەپۋتاتى احان بيجانوۆ.

اۋدارعان: نازەركە لابيحان