29-شى قاڭتاردان 8 اقپانعا دەيىن بولعان "الاتاۋ الابىندا" اتتى ەتنوفەستيۆال مارەسىنە جەتتى.
ون كۇن بويى الماتىلىقتار مەن قالا قوناقتارىنا ءداستۇرلى ونەردىڭ، ءداستۇرلى مۋزىكانىڭ جاۋھارلارىن كورسەتكەن ەتنوفەستيۆال كونە جانە جاڭا قولونەر بۇيىمدىرىنىڭ جارمەڭكەسى، ۇلتتىق تاعامدار مەن سالت-داسۇرلەر ينستالياسياسىنىڭ ورتالىعىنا اينالدى. ەڭ باستىسى "الاتاۋ" ءداستۇرلى ونەر تەاترىنىڭ 700 ورىندىق ساxناسىندا 10 كۇن بويى اۋەلەگەن ءان سالىنىپ، كۇمبىرلەگەن كۇي تارتىلدى.
"الاتاۋ الابىندا" ەتنوفەستيۆالى 28-بۇكىل دۇنيەجۇزىلىك ۋنيۆەرسيادا قارساڭىندا قالامىزدا وتكەن مادەني شارالاردىڭ ىشىندەگى شوقتىعى بيىك، سىپاتى بولەك ونەر مەرەكەسى بولدى.
