قازاقستانداعى باستى قازاق ءتىلدى تەلەارنا «قازاقستان» تەلەراديوكورپوراسياسىنا ەرلان قارين ءتوراعا بولىپ تاعايىندالدى.

بۇعان دەيىن، 2016 جىلدىڭ 1 قازانىنان باستاپ «قازاقستان» رەسپۋبليكالىق تەلەراديوكورپوراسياسى» اكسيونەرلىك قوعامىنىڭ باسقارما ءتوراعاسى قىزمەتىن اتقارعان ويشىبايەۆ كەمەلبەك باقتىعۇل ۇلى 24 قاڭتاردا اتالعان قىزمەتتەن كەتتى.

ەرلان تىنىمباي ۇلى قارين – مەملەكەت جانە قوعام قايراتكەرى، ساياساتتانۋشى عالىم. 2014 جىلدىڭ 16 قازان كۇنىنەن باستاپ ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى قىزمەتىن اتقارعان. ايتا كەتەر بولساق، ەرلان تىنىمباي ۇلى باسشىلىققا كەلگەننەن كەيىن، قسزي – الەمنىڭ 6 مىڭنان استام ساراپتامالىق ينستيتۋتتارى مەن ورتالىقتارىنىڭ ىشىندە ۇزدىك 150-گە كىردى.

تانىستىرا كەتەتىن بولساق، ەرلان قارين 26 مامىر كۇنى 1976 جىلى وڭتۇستىك قازاقستان وبلىسى، سايرام اۋدانى، اقسۋ اۋىلىندا دۇنيەگە كەلگەن.

1997 جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن تاريح ماماندىعى بويىنشا وقىعان،

1999 جىلى ءال-فارابي اتىنداعى ءقازۇۋ-نىڭ فيلوسوفيا جانە ساياساتتانۋ فاكۋلتەتىن ءتامامداعان. ساياساتتانۋ عىلىمدارىنىڭ كانديداتى (ديسسەرتاسيا تاقىرىبى: "قازاقستان رەسپۋبليكاسىنىڭ ۇلتتىق قاۋىپسىزدىگىندەگى ىشكى ساياسي اسپەكتىلەر").

1996—1998 جىلدارى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىندە ساياساتتانۋ كافەدراسىندا ءمۇعالىم بولعان.

1998—2000 جىلدارى قازاقستاننىڭ دامۋ ينستيتۋتىنىڭ ساياسي زەرتتەۋلەر ورتالىعىندا قىزمەتكەر، رەسەي جانە جۇڭگو ينستيتۋتىنىڭ ديرەكتورىنىڭ ورىنباسارى.

2000-2003 ورتالىق ازيا ساياسي زەرتتەۋلەر اگەنتتىگىنىڭ ديرەكتورى.

2004 جىلدان 2006 جىل ارالىعىندا انتيتەررورلىق باعدارلامالار ورتالىعىنىڭ جەتەكشىسى.

2006 جىلى ماڭعىستاۋ وبلىسىنىڭ اكىمى قىرىمبەك كوشەربايەۆتىڭ قوعامدىق جانە ساياسي ماسەلەلەر جونىندەگى كەڭەسشىسى.

2008 جىلدىڭ اقپان ايىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جارلىعىمەن پرەزيدەنت اكىمشىلىگى ىشكى ساياسات ءبولىمىنىڭ مەڭگەرۋشىسى بولىپ تاعايىندالدى. سول جىلدىڭ قاراشا ايىندا نۇر-وتان پارتياسىنىڭ ستراتەگيالىق دامۋ جونىندەگى حاتشىسى بولدى.

2014 جىلدىڭ 16 قازان كۇنىنەن باستاپ ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى قىزمەتىن اتقارعان.

ول، قىزمەت اتقارعان ءار جىلداردا الاش زيالىلارىنىڭ ەڭبەگىن زەرتتەدى. ولاردىڭ ءومىر جولدارىنا ارنالعان كىتاپتار شىعارۋعا تۇرتكى بولدى. «الاشوردا» اتتى كوركەم سۋرەتتى البوم كىتاپ شىعاردى. سىنتاستاردى زەرتتەدى.