ۋكرايناداعى كليريك كييەۆتىك ەپارحيا پروۆوسلاۆتىق شىركەۋىنىڭ 26 جاستاعى ءدىن قىزمەتكەرى يوانن كورنۋتا كييەۆ ماڭىنداعى بروۆاراح دەپ اتالاتىن دەمالىس ورنىنان ءولى كۇيدە تابىلعان.
ءدىندار ساۋنادا جەڭىل ءجۇرىستى قىزدارمەن كوڭىل كوتەرىپ جاتقان كەزىندە كوز جۇمعان، بىرگە بولعان قىزدار ءدىن قىزمەتكەرىن توناپ تا كەتكەن، دەپ حابارلايدى politolog.net، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.
يوانن كورنۋتا اكەيدىڭ دەنەسىن ساۋنا قىزمەتكەرلەرى تاۋىپ الىپ، قۇقىق قورعاۋ ورگاندارىنا حابار بەرگەن. بەلگىلى بولعانداي، جەڭىل ءجۇرىستى قىزدار يواننمەن بىرگە ساۋناعا كەلىپ، ونىمەن ۋاقىت وتكىزگەن، كەيىننەن ءدىن قىزمەتكەرىن توناپ، زاتتارىنىڭ بارلىعىن الىپ، ءوزىن ءولى كۇيىندە تاستاپ كەتكەن.
ءدىنداردىڭ قالتا تەلەفونى مەن موينىنا تاعاتىن باعالى القاسى جوعالعان. ساۋناعا كەلگەن ساتىندە بەينەباقىلاۋ كامەرالارى ارقىلى ونىڭ مويىنىندا قىمبات اشەكەي بولعانى انىقتالدى. زەرتتەۋ جۇمىستارى بارىسىندا يۆان يۆانوۆيچ كورنۋتانىڭ اتىنا بەرىلگەن جۇرگىزۋشى كۋالىگى تابىلعان، ول زاكارپات وبلىسىنىڭ تۋماسى ەكەن.
ەكسپەرتيزا قورىتىندىسى بويىنشا، سەنبىدە جان ءتاسىلىم ەتكەن ءدىن وكىلىنىڭ كوز جۇمۋىنا جۇرەگىنىڭ توقتاپ قالۋى سەبەپ بولعان.
يوانن اكەيدىڭ تۋىستارى توناۋ ماسەلەسىنە قاتىستى ەشقانداي دا ارىز-شاعىم تۇسىرمەسە دە، قۇقىق قورعاۋ ورگاندارى دىندارمەن بىرگە بولعان قىزداردى ىزدەستىرۋدە. «ءدىن وكىلىنىڭ قالاي كوز جۇمعاندىعى جايلى ول قىزدار مالىمدەمە بەرۋى ءتيىس»، - دەپ مالىمدەدى پوليسيا قىزمەتكەرى نيكولاي جۋكوۆيچ.
يواننىڭ ارىپتەستەرىنىڭ ايتۋىنشا، پوليسيا قىزمەتكەرلەرى مۇنداي جاعدايدا، ياعني جەڭىل ءجۇرىستى قىزدارمەن كوڭىل كوتەرىپ، قازا تاپقانى ءۇشىن قارعىس ايتپاقشى ەكەن.
