ال EXPO-2017 كورمەسىنىڭ باسپا ءسوز قىزمەتىندەگىلەر بوكسشىلار اراسىنداعى كەلىسسوزدەردى راستاپ بەرگەن بولاتىن.

ESPN تەلەارناسىنىڭ لاتىن امەريكا رەداكسياسىنىڭ ءتىلشىسى فەرناندو باربوزا قازاقستاندىق گەنناديي گولوۆكين مەن ۇلىبريتانيالىق بيللي دجو سوندەرستىڭ جەكپە-جەگى قاشان وتەتىنىن ايتتى، - دەپ حابارلايدى Vesti.kz. 

"GGG - سوندەرس جەكپە-جەگى 10 ماۋسىمدا قازاقستاندا وتەدى دەپ جوسپارلانىپ وتىر. سەبەبى 18 ناۋرىزدا GGG دجەيكوبسپەن كەزدەسەدى، ءبىراق بۇل مالىمەتتى ەشكىم رەسمي تۇردە جاريالاعىسى كەلمەي وتىر"، - دەپ جازدى باربوزا Twitter جەلىسىندەگى اككاۋنتىندا.

ال وسىعان دەيىن باق-تار گولوۆكين مەن سوندەرستىڭ قازاقستاندا جازدا كەزدەسۋگە كەلىسكەنى جايلى حابارلاعان. جەكپە-جەك EXPO-2017 كۇندەرى وتەدى دەلىنىپ، ال كورمەنىڭ باسپا ءسوز قىزمەتىندەگىلەر بوكسشىلار اراسىنداعى كەلىسسوزدەردى راستاپ بەرگەن بولاتىن.

ايتا كەتەيىك، 2016 جىلى گولوۆكين سوندەرسپەن كەلىسسوز جۇرگىزگەن، الايدا كەلىسىمگە كەلۋ مۇمكىن بولمادى. قازاقستاندىق ۇلىبريتانيالىقپەن WBO بەلبەۋىن تارتىپ الۋ ءۇشىن كەزدەسكىسى كەلەدى. ال تارتىپ العان جاعدايدا ورتا سالماقتاعى بارلىق بەلبەۋدىڭ باسىن بىرىكتىرەدى.