بىلتىر ماس كۇيىندە جاسالعان قىلمىس سانى 13%-عا كوبەيدى.

قازاقستاندا ىشىمدىك ءىشۋ دەڭگەيى 2015 جىلى ادام باسىنا شاققاندا جىلىنا 11 ءليتردى قۇرادى دەپ حابارلادى ق ر ىشكى ىستەر ءمينيسترى قالمۇحامبەت قاسىموۆ. 

دۇيسەنبى كۇنى ماجىلىستەگى ۇكىمەت ساعاتىندا سويلەگەن سوزىندە مينيستر تۇرمىستىق قىلمىستىڭ ەڭ ءجيى كەزدەسەتىن سەبەپتەرىنىڭ ءبىرى ماسكۇنەمدىك پەن ناشاقورلىق ەكەندىگىن اتاپ ءوتتى.

"انىقتاپ ايتاتىن بولسام، 2015 جىلى دۇنيەجۇزىلىك دەنساۋلىق ساقتاۋ ۇيىمى قۇراستىرعان ىشىمدىك ءىشۋ دەڭگەيى بويىنشا الەم ەلدەرىنىڭ رەيتينگىنە سايكەس قازاقستان 188 ەلدىڭ اراسىندا 34ء-شى ورىنعا يە، ىشىمدىك ءىشۋ كورسەتكىشى ادام باسىنا شاققاندا جىلىنا 11 ليتر. حالىقارالىق كريتەرييلەر بويىنشا ادام باسىنا شاققانداعى ىشىمدىك ءىشۋ كولەمى 8 ليتردەن اسىپ كەتسە، ەلدىڭ گەنوفوندى قۇلدىراپ بارادى دەگەن ءسوز"، — دەيدى قاسىموۆ.

ونىڭ بەرگەن مالىمەتىنە سۇيەنسەك، ماس كۇيىندە جاسالعان قىلمىستار سانى بىلتىرعى جىلى 13%-عا كوبەيىپ، 20 مىڭ وقيعانى قۇرادى. ماڭعىستاۋدا كوبەيۋ كورسەتكىشى 75%، الماتى، اقمولا جانە وڭتۇستىك قازاقستان وبلىستارىندا — 50%. 
 

دەرەككوز: sputniknews.kz