ءۇندىستاندا بالالاردى نەكەگە وتىرعىزۋ قالىپتى جاعداي دەپ جازادى bambukka.livejournal. ءۇندىستاندا زاڭمەن ەرتە جاستاعى نەكەگە تىيىم سالىنسا دا، 50 دەن 70% دەيىنگى قىزدار 18 جاسقا دەيىن تۇرمىس قۇرادى.

جاڭا نەكەسى قيىلعان 11 جاسار قالىڭدىق پەن 13 جاسار كۇيەۋى. (2010 جىل)

تويلارىنان كەلە جاتقان 9 جاسار قالىڭدىق پەن 14 جاسار كۇيەۋجىگىت (2009 جىل)

تويداعى ءداستۇر. قالىڭدىق 5 جاستا، جىگىت 15-تە. (1994 جىل)

پوليسيا بولىمشەسىندە 7 جاسار كۇيەۋ بالا اكەسىنىڭ الدىندا وتىر. جانىندا 4 جاسار قالىڭدىعى وتىر.  

رادجاستحان شتاتىنداعى جاپپاي نەكەگە تۇرۋ ءراسىمى. كۇيەۋ جىگىت 16-دا، قىز-13-تە.

بالالار نەكەسى ءۇندسىتاندا اتام زاماننان بەلگىلى. ماسەلەن، ماحاتما گاندي مەن ءۇندىستاننىڭ ءبىرىنشى پرەزيدەنتى رادجەندرا پراساد 13 جاسىندا ۇيلەنگەن. كەيىنىرەك گاندي زاڭگەر حاار بيلاسا شاردۋدى جاستايىنان نەكەگە وتىرۋعا تىيىم سالاتىن زاڭ جوباسىن جاساۋدى ۇسىندى. «شاردى زاڭى» 1929 جىلى كۇشىنە ەندى. ونىڭ اۆتورىنىڭ ءوزى 9 جاسىندا وتباسىن قۇرعان.

مۇنداي ءداستۇردىڭ ءۇندىستاندا كەڭ ەتەك جايۋۋىنىڭ بىرنەشە سەبەبى بار. 11 عاسىردا مۇسىلماندار ءۇندىستاندى جاۋلاپ الا باستاعان. كۇيەۋگە شىقپاعان ايەلدەر اسكەريلەردىڭ قۇربانى بولعان. سوندىقتان اتا-انالارىن قىزدارىن وتە جاس كەزىندە كۇيەۋگە بەرگەن. سونىمەن قاتار، قىزىن تۇرمىسقا بەرمەگەن اكە ارتىقشىلىقتاردان قاعىلادى ەكەن.