مۋزىكانىڭ اعزاعا اسەرى كوپتەگەن پسيحولوگتار دالەلدەگەن شىندىق. بۇل اسەردىڭ ساپاسى ىرعاققا، سازىنا، اينالاسىنا، كەرەك دەسەڭىز، پلەەرىن قوسقان تىڭدارماننىڭ كوڭىل-كۇيىنە دە بايلانىستى! قانداي سازدى اۋەندەر جيناقتالۋعا كومەكتەسەدى، ال، قاندايى، كەرىسىنشە، جۇمىستان بۇرا تارتقىزىپ، بويدى بوساڭسىتۋعا جاعداي جاسايدى؟
مۋزىكا جۇمىس جاساۋ قابىلەتىنە قالاي اسەر ەتەدى؟
مۋزىكا جۇمىسقا كوڭىلدى اۋدارۋعا كومەكتەسەدى. ءسىز مىناداي نارسەنى بايقاپ كوردىڭىز بە: تاڭعىسىن، الدا ماڭىزدى كۇن، جۇمىسقا شىعار الدىندا ىرعاقتى ءاندى تىڭداپ، وزىنەن ءوزى كوڭىل-كۇي كوتەرىلە تۇسەدى. ءسوزسىز، مۇنداي جاعداي كوپشىلىگىندە كەزدەسسە كەرەك. كۇنىڭىزدى مۋزىكا تىڭداۋدان باستاڭىز: بىرنەشە كوڭىلدى اۋەندەردى جۇمىسقا بارۋعا دايىندالىپ ءجۇرىپ تىڭداڭىز نەمەسە پلەەردى جولعا وزىڭىزبەن بىرگە الا شىعىڭىز!
عالىمدار ءسوزدىڭ ءماتىنىن جاتقا بىلەتىن ەڭ جاقسى كورەتىن ولەڭدەرىڭىزدى جۇمىس ۇستىندە تىڭداۋعا كەڭەس ەتپەيدى. ايتپەسە، تىڭداپ وتىرىپ، قوسىلىپ ايتامىن دەپ، الاڭدايسىز. ءسوزى جوق، ىرعاعىن قالاعان مۋزىكاعا دەن قويىڭىز.
سپورتپەن شۇعىلدانعان ۋاقىتتا قانداي مۋزىكانى تىڭداۋ كەرەك؟
بارلىق سپورتشىلار سپورتتىڭ قانداي تۇرىنە قاراماستان، مۋزىكا ىرعاعىمەن جاتتىعۋ جاساعاندى قالايدى. ولاي ەتپەگەندە شە: جىلدام قارقىن الۋ كەزىندە قۇلاققا جاعىمدى ىرعاقتى تىڭداۋ سپورتشىنىڭ ناتيجەلىلىگىن 20%-عا كوبەيتۋگە كومەكتەسەدى! سوندا مۋزىكا — بۇل ۇزاق تا ءتيىمدى جاتتىعۋعا مۇمكىندىك بەرەتىن تىيىم سالىنباعان دوپينگ. كەرەك دەسەڭىز، ءسىز سپورتشى بولماعاندىقتان، الدىڭىزعا ۇلكەن ماقساتتار قويماساڭىز — جۇگىرەتىن جولدا نەمەسە سپورت زالىندا جانىڭىز قالاعان ءاندى تىڭداپ ءجۇرىپ-اق، مىندەتتى تۇردە وزدىگىنەن جۇگىرىستى تەزدەتىپ نەمەسە قۇلاققاپتاعى شاپشاڭ ىرعاققا ۇندەسە ترەناجەرداعى تاسىلدەردىڭ سانىن ارتتىرعانىڭىزدى بايقاماي قالاسىز! پسيحولوگتار سپورتپەن شۇعىلداناتىن ادامدارعا باياۋ مەن شاپشاڭ مۋزىكانى كەزەكتەستىرىپ، ىرعاقتى اۋەندەردى — جاتتىعۋلارعا، ال، باياۋلارىن دەمالۋ كەزىندە تىڭداۋعا كەڭەس بەرەدى.
مۋزىكا پسيحولوگيالىق جاعدايعا قالاي اسەر ەتەدى؟
اۋەندەر قاجەتتى احۋالدى قالىپتاستىرۋعا، كوڭىل كۇيدى كوتەرۋگە قابىلەتتى. باياۋ شىعارمالار بوساڭسۋعا كومەكتەسىپ، ءوزىنىڭ ەموسيونالدى جاعدايىن كەلتىرۋگە اتسالىسسا، ىرعاقتى اندەر — بۇكىل كۇن بويىنا قۋات بەرەدى! تاڭعى وياتقىش ساعاتقا قارابايىر قوڭىراۋدىڭ نەمەسە قۇستىڭ سايراۋىنىڭ ورنىنا جاقسى كورەتىن ءانىڭىزدىڭ ءبىرىن قويىپ قويىڭىز. ال، كەشكىسىن جۇمىستان كەلگەن سوڭ، ءبىرقالىپتى تىڭداۋعا ارنالعان بويدى بوساڭسىتاتىن باياۋ سازدى قوسىڭىز. تاڭعى جانە كەشكى پلەيپاراقشاڭىزدى جاساپ، وعان ۇنەمى جاڭا شىعارمالاردى قوسا، جالىقتىرعاندارىن وشىرە وتىرىپ، ولاردىڭ قاتارىن وزگەرتۋدى ادەتكە اينالدىرىڭىز.
مۋزىكانىڭ ادام دەنساۋلىعىنا اسەرى
مۋزىكا ىشكى ورگانداردىڭ جۇمىسىن سينحروندايتىنىن سوناۋ ەجەلگى گرەسيا كەزىندە بىلگەن. پيفاگور سازدى اۋەندى كوپتەگەن پسيحولوگيالىق جانە فيزيكالىق اۋرۋلاردى ەمدەۋگە قولدانعان، ال، ءوزى ءاربىر تاڭدى انمەن باستاعان. قازىرگى ۋاقىتتا پسيحولوگتار مەن فيزيولوگتار ءبىزدىڭ قۇلاعىمىزعا جاعىمدى شىعارمانى تىڭداۋ كەزىندە اعزامىزداعى ءاربىر كىشكەنتاي قۇرىلىمدى بىرلىكتەر راحات الاتىن جاسۋشالىق ماسساجدى بەرەتىنىن دالەلدەگەن. قيسىنسىزداۋ بولعانىمەن، اقيقاتى وسى. مۋزىكا ادامنىڭ تۇلا بويىنا جاقسى اسەر ەتىپ، ەشقانداي كەرى كورسەتكىشىن تيگىزبەيدى.
تاڭشولپان عازيز قىزى
