«تريبۋنا» گازەتىنىڭ باس رەداكتورى جانبولات ماماي 10 اقپان كۇنى ۇستالعان بولاتىن. وعان قۇزىرلى ورىندار ءابىلازوۆتىڭ سىبايلاسى رەتىندە قاراپ، قارجىلىق ايىپتار تاعىپ وتىر.

وسىعان بايلانىستى مۇحتار ءابىلازوۆتىڭ ءوزى الەۋمەتتىك جەلىدە پىكىرىن ءبىلدىردى.

«مەملەكەت تۇرعىندارى نازاربايەۆ بتا بانكتى 2009 جىلى 2 اقپاندا باسىپ العانىن ءبىلۋ كەرەك. بۇل ۋاقىتتا جانبولات ماماي 20 جاستا بولاتىن. نازاربايەۆ رەجيمى «بتا-داعى» ۇرلانعان اقشانى جانبولاتتىڭ قاتىسى بارداي كورسەتىپتى. تەرگەۋگە ساي اقشا جىمقىرۋ وقيعاسى مەن بانك باسشىلىعىندا بولعان ۋاقىتتا ورىن العان، ياعني 2005 جىلدىڭ مامىر ايى مەن 2009 جىلدىڭ قاڭتار ايى ارالىعىندا. بۇل ۋاقىتتا جانبولاتتىڭ جاسى 17-20 جاستا بولاتىن. مۇنداي ميعا سىيمايتىن جالانى قالاي ايتۋعا بولادى؟ ءتىپتى، تۇرمەگە قاماۋدى ايتپاعاندا.

سوسىن... مەن بتا بانكىنىڭ اقشاسىن جىمقىردى دەگەن شەشىم قازاقستاننىڭ ەشبىر سوتىندا ايتىلماعان. سونىمەن قاتار، ۇقك مەن پروكۋراتۋرا ماعان قىلمىستىق ءىس قوزعالعانىن بىرنەشە رەت مالىمدەدى. الايدا مەنىڭ ادۆوكاتىما ايىپتاۋلارمەن تانىسۋ ءۇشىن بىردە-بىر قۇجات بەرمەدى. وسى ۋاقىتتا تەرگەۋ جۇمىستارى ەمەس، باق-تا تەك قارا پيارمەن اينالىستى. ەندى وسىدان كەيىن قالايشا جانبولاتقا زاڭدى تۇردە كىنا تاعۋعا بولادى؟

جەكە ءوز باسىم ەشقاشان ونىمەن قازاقستاندا كەزدەسپەگەنمىن، بانكتە جۇمىس ىستەپ جۇرگەندە دە، ودان كەيىن دە... ونىمەن كەزدەسىپ كورگەن ەمەسپىن. ماعان قاتىستى ناقتى سوت شەشىمدەرى شىقپاعان. ارينە، ماعان قارسى ءارتۇرلى ارانداتۋشىلىق مالىمدەمەلەر جاساۋ ءۇشىن ءقازىر ماعان سىرتتاي جالا جابۋعا دايىن تۇرعاندارىن بىلەمىن.

ءبىراق كەش. سەندەرگە كىم سەنەدى؟ ونىڭ ۇستىنە، قازاقستاندا 8 جىل بويى ەشقانداي سوت ۇكىمى شىقپادى. ءبىزدىڭ ازاماتتار مەن بۇكىل الەم بۇنى ساياسي قۋعىنداۋ دەپ قانا باعا بەرەدى. مۇنداي شەشىمدى فرانسيانىڭ جوعارعى سوتى قابىلدادى. جانە جانبولاتتىكى دە دۇرىس – ونى دا ساياسي سەبەپتەرمەن قۋعىنداپ جاتىر. ونىڭ بتا بانككە ەشقانداي قاتىسى جوق»