رەداكسيامىزعا توقاي بىرلىك ەسىمدى ازامات حابارلاستى. ول 2014 جىلى الماتى قالاسىندا ءۇي ساتىپ العان. ەكى جىل وتكەننەن كەيىن   الماتى قالاسى ەنەرگەتيكا جانە كوممۋنالدىق شارۋاشىلىق باسقارماسىنىڭ يەلىگىندەگى كارىز قۇبىر جەلىسىندە ق ر زاڭىنا قاراما-قايشىلىقتى تاپقانىن ايتىپ، بىرنەشە مارتە جوندەۋ جۇمىستارىن جۇرگىزگەن. ناتيجەسىندە كارىز جۇيەسىنىڭ جامان ءيىسى شىعىپ، بالالارى اۋىرىپ قالعان. سوندىقتان توقاي بىرلىك جوندەۋ جۇمىستارىن توقتاتۋدى تالاپ ەتىپ وتىر.

الايدا، «توسپا سۋ» كاسىپورنى جۇمىستارىنا كەدەرگى كەلتىرگەنى ءۇشىن توقاي بىرلىكتى سوتقا بەرگەن.   

 «قالالىق كارىز جۇيەسىنىڭ د=150مم ۇستىنە تۇرعىن ءۇي تۇرعىزىلعان. قاۋىپ-قاتەر تونگەن جاعدايدا ونىڭ الدىن الۋ، قالپىنا كەلتىرۋ، جوندەۋ جۇمىستارىن جۇرگىزۋگە ەش مۇمكىندىك جوق. بۇل جايلى جاۋاپكەرگە ەسكەرتۋ جاسالعان  بولاتىن. كارىز ۇستىنە سالىنعان قۇرىلىستىڭ رۇقسات قۇجاتتارى بولسا، بىزگە اكەلىپ كورسەتۋىن سۇرادىق. ەگەر، قۇجاتى جوق بولعان جاعدايدا، قۇرىلىس استىنداعى كارىزدى باسقا جاققا شىعارۋدى ۇسىندىق» دەپ ارىز جازعان.

 اتالمىش ارىز بويىنشا تەكسەرۋ جۇمىستارى جۇرگىزىلىپ، بۇگىن سوت بولۋى ءتيىس ەدى.

توقاي بىرلىكتىڭ ايتۋىنشا سوت ورىس تىلىندە وتەتىندىگىن ايتقان. الايدا، توقاي بىرلىك ورىس ءتىلىن تۇسىنبەيتىنىن ايتىپ، سوتتىڭ مەملەكەتتىك تىلدە ءوتۋىن تالاپ ەتىپ وتىر.

«بۇل مەنىڭ انا ءتىلىمدى اياق استى ەتىپ، مەملەكەتتىك ءتىلدى قورلاۋ، مەملەكەتتى سىيلاماۋ» دەيدى توقاي بىرلىك.

سونىمەن قاتار، ول الماتى قالاسى ەنەرگەتيكا جانە كوممۋنالدىق شارۋاشىلىق باسقارماسىنىڭ شارۋاشىلىق جۇرگىزۋ قۇقىنداعى «توسپا سۋ» مەملەكەتتىك   كوممۋنالدىق كاسىپورنىن، وتباسىنا 2 جىلدان استام ۋاقىت بويى ادامدىق قۇقىعىن اياققا تاپتادى دەپ ايىپتاپ، جالا جاپقانىن ايتىپ مورالدىق شىعىن رەتىندە توقاي بىرلىكتىڭ ەسەبىنە 100 000 000 (ءجۇز ميلليون) تەڭگە مورالدىق شىعىن تولەتىپ بەرۋىن سۇرايدى.