Daily Sabah باسىلىمىنىڭ جازۋىنشا اتاقتى گولليۆۋدتىق اكتريسا اندجەلينا دجولي مەن «رەال»  فۋتبول كلۋبىنىڭ شابىلداۋشىسى كريشتيانۋ رونالدۋ تۇرىك سەريالىنا تۇسپەكشى.

سەريال «ءومىر كوپىرى»  (ءتۇپ نۇسقادا «موست جيزني»)  دەپ اتالماق. ول تاريحي جانرداعى بوسقىندار ءومىرىن سيپاتتايتىن سەريال بولماق. ءۇش سەزوننان تۇراتىن سەريال تۇركياداعى بوسقىندار جايى تۋرالى ءتۇcىرىلمەك بولىپ جوسپارلانۋدا.

رونالدۋ الەمدەگى ەڭ اتاقتى جانە ەڭ قىمبات فۋتبولشىلاردىڭ ءبىرى. 32 جاستاعى فۋتبولشى ءوز كارەراسىندا 4 رەت «ەڭ ۇزدىك الەم فۋتبولشىسى» مارتەبەسىن العان، چەمپيوندار ليگانىنىڭ 3 دۇركىن جەڭىمپازى. 2016 جىلى  پورتۋگاليا قۇراماسىنىڭ  ەۋروپا چەمپيونى اتاندى.

ال دجوليگە كەلتىن بولساق، امەريكاندىق تانىمال اكتريسا، «وسكار» سىيلىعىنىڭ، كوپتەگەن كينو پرەميالارىنىڭ يەگەرى. سوڭعى جىلدارى بۇۇ-نىڭ ەرىكتى ەلشىسى، بوسقىندار ءىسى بويىنشا جوعارعى كوميسساريات وكىلى قىزمەتتەرىندە.

ەكى تۇلعانىڭ دا، قايىرىمدىلىق ىستەرىمەن اينالىسىپ جۇرگەندەرىن ەسكەرە وتىرساق، سەريالعا دا وسىنداي ماقساتتا تۇسۋگە شەشىم قابىلداعاندارىن اڭعارۋعا بولادى. دەسە دە، كريشتيانونى اكتەر رولىندە ەلەستەتۋ قيىن-اق اسىرەسە تۇرىك سەريالىندا...

نازەركە مۇسا