كىمگە دە بولسىن تەك كەرەك،
جانە دە نامىس، وت كەرەك!
اقش-تا شتات دەلاۆەر
قانات پەن روبسون - جەكپە-جەك...
ەس جيۋعا دا بەرمەدى،
سەنىممەن دالدەپ سەرمەدى...
قاس-قاعىم ساتكە جەتكىزبەي،
ۇلتىمنىڭ ۇلى ەرلەدى!
ءبىزدىڭ ۇل تىپ-تىڭ قۇر اتتاي،
ال، ويلار – ءمولدىر بۇلاقتاي...
قانات ەر - روبسون ءاسسيستى
تاندىرا ەستەن قۇلاتتى-اي!..
قاي سىنعا دايىن، بەكەم-دى،
ال، بويدا قايرات جەتەر-دى!
تاعى دا قانات يسلام -
قازاعىن كوككە كوتەردى!
جۇرت ۇيىپ قازاق اۋەنگە،
باس ءيىپ ۇلتتىق سالەمگە،
قازاقتىڭ تۋىن – ۇلت ءتىلىن،
تانىتتى قانات الەمگە!..
جىلتىرىن ەمەس سىرتىنىڭ،
ويلايتىن ءجايىن جۇرتىنىڭ،
ءار قازاق، ءبىزدىڭ قاناتتاي،
بولسا عوي ۇلى ۇلتىنىڭ؟
جەڭىستەن تۇرعان ءار ءىسى،
ۇلتىمنىڭ تەكتى ارىسى،
قاناتتاي بولسا، ارمان نە،
قازاقتىڭ ۇلتتىق نامىسى!..
اۆتورى: جۇماش كەنەباي
