بۇگىنگى زاماناۋي نارىقتىق قاتىناستار زامانىندا كەز -كەلگەن كومپانيا ءوزىنىڭ جۇمىس باعىتى مەن سالاسىنا قاراماستان، PR قىزمەتتەرىنە مۇقتاج.
PR ارقىلى ۇتىمدى ءارى ەففەكتيۆتى تۇردە قوعامدىق پىكىر قالىپتاستىرۋعا بولادى، سونىمەن بىرگە كوممەرسيالىق جارناماعا قاراعاندا شىعىن دا از كەتەتىنىن ەسكەرسەك، پياردىڭ ءتيىمدى جاقتارى وتە كوپ.
PR (Public Relations) – ۇيىم مەن قوعام اراسىنداعى تۇسىنىستىك پەن جاقسى قارىم –قاتىناستاردى قالىپتاستىراتىن ينستيتۋت. تاۋار، ءونىم، قىزمەت، ساتىلىم تۋرالى قوعامدىق پىكىر قالىپتاستىراتىن ۇگىت- ناسيحات جۇرگىزۋ ءتاسىلى نەمەسە فورماسى. پيار مەن جارناما تىعىز بايلانىستى بولعاندىقتان پياردى جارنامادان بولەك قاراستىرۋ قيىن، دەسە دە پيار –جارناما ەمەس. قازىرگە كەزدە «پياردى» كوپشىلىگى ءبىلىپ، ەستىپ جۇرگەنىمەن ايىرا المايدى.
جارناماعا قاراعاندا پياردىڭ اتقاراتىن قىزمەتى دە كۇردەلىرەك. اتاپ ايتقاندا ول:
- -جاڭا ونىمدەر مەن تاۋارلاردىڭ، قىزمەتتەردىڭ نارىققا كەلۋىنە سەپتىگىن تيگىزەدى؛
- -بەلگىلى-بىر تاۋارعا دەگەن كوزقاراستىڭ قالىپتاسۋى نەمەسە وزگەرۋىنە اسەر ەتەدى؛
- -ۇمىت قالعان، ۇمىتىلا باستاعان تاۋار مەن ونىمدەرگە دەگەن سۇرانىستى جوعارىلاتۋ ماقساتىندا قىزمەت ەتەدى؛
- -كومپانيا/ فيرمانىڭ جەكە ءيمدجىن قالىپتاستىرۋ مەن جەكە اۋديتوريا سەزىمىنە اسەر ەتۋ كەزىندە قاجەت؛
- -ماسەلە تۋىنداعان جاعدايدا تاۋار مەن ءونىمنىڭ ابىرويىن قورعاۋ قاجەت بولعاندا قاجەت؛
پياردىڭ ماركەتينگتە دە الار ورنى ۇلكەن. ماسەلەن، اتاقتى Ford كومپانياسى Ford Taurus اتالاتىن ءوز اۆتو مودەلدەرىنىڭ اتاق -داڭقىن ءدال وسى پيار ارقىلى شىعارعان.
پيار مامانىنىڭ نەگىزگى قىزمەتى مەن جۇمىسى- كامپانيانىڭ ءيميدجىن قالىپتاستىرۋ عانا ەمەس، جاقسى جاعىنان تانىتۋ مەن جاعىمدى پىكىر قالىپتاستىرۋ ارقىلى اۋديتوريا نەمەسە تۇتىنۋشىلار اراسىندا كەرى بايلانىس ورناتۋ. پيار مامانى كەز-كەلگەن ادام بولا الادى جانە ول ءۇشىن تيىسىنشە سول ماماندىقتى وقۋدىڭ قاجەتى جوق دەگەن پىكىر –قاتە. سەبەبى، كەز-كەلگەن ادام بۇل ءىستىڭ مامانى بولا المايدى، قوعاممەن تىعىز قارىم-قاتىناستا بولۋ، قوعامدىق پىكىر قالىپتاستىرۋ اركىمنىڭ قولىنان كەلە بەرمەيدى. سوندىقتان، پيار ماماندىعىنىڭ نەگىزىن وقىپ ۇيرەنۋ قاجەت.
وسى ماقساتتا ەلىمىزدە بۇگىندە پيار ماماندارىن دايىندايتىن ەكى وقۋ ورنى بار. سونىڭ ءبىرى - ءال- فارابي اتىنداعى قازاق ۇلتتىق ۋنيۆەرسيتەتىنىڭ يۋنەسكو حالىقارالىق جۋرناليستيكا جانە قوعاممەن بايلانىس كافەدراسى. 2011 جىلدىڭ 20 ماۋسىمىنان باستاپ «قوعاممەن بايلانىس» ماماندىعىنا ابيتۋريەنتتەر قابىلداۋ باستالعان. جارناما مەن PR ماماندىعىن وقىپ ۇيرەنۋ بارىسىندا قازىرگى زامانعى يندۋسترياعا قاجەتتى شىعارماشىلىققا ۇمتىلىس، جۇكتەلگەن مىندەتتى جەتە ۇعىنىپ، ونىڭ شەشىمىن تابا ءبىلۋ، زەرتتەۋشىلىك قابىلەت، قيىندىققا توزىمدىلىك، تاپقىرلىق سياقتى مامانداردىڭ كاسىبي تۇلعالىق قاسيەتتەرى قالىپتاستىرىلادى.
قازىرگى كەزدە اتالعان وقۋ ورنىندا كوممەرسيا، مادەنيەتارالىق كوممۋنيكاسيا، اقپاراتتىق تەحنولوگيالار، ەكونوميكا سالالارى باعىتتارى بويىنشا باسپا ءسوز حاتشىسى، يميدجمەيكەر، جارناما اگەنتى، باسپا ءسوز قىزمەتىنىڭ مامانى، ماسس-مەديا مەنەدجەرى، ءتىلشى ماماندىقتارىن يەلەنىپ شىعۋعا مۇمكىندىكتەر جاسالىپ وتىر. ناعىز كاسىبي مامان بولۋ ءۇشىن ساپالى ءبىلىم الۋ كەرەك. سەبەبى، پيار ماماندىعى سۇرانىسقا يە جانە ساپالى قىزمەتتەر ۇسىنۋعا ءتيىس.
نازەركە مۇسا
