"قامشىنىڭ" حات قورجىنىنا كوپ نارسەنى قاۋزاعان ماسەلەلى ولەڭ كەلىپ ءتۇستى. سايتىمىز ەركىن پىكىر الاڭى بولعاندىقتان، وزەكتى تاقىرىپتاردى ارقاۋ ەتكەن ولەڭدى وقىرمان نازارىنا ۇسىنامىز. ەستەرىڭىزگە سالا كەتەيىك، سانات دوسوۆ ەسىمدى قازاق ازاماتى ءپۋتيننىڭ ساياساتىن فەيسبۋك الەۋمەتتىك جەلىسىندە سىناعانى ءۇشىن 3 جىلعا سوتتالىپ كەتكەن بولاتىن. اتالمىش وقيعا سايت بەتىندە "التى بالانىڭ اكەسى "facebook-تەگى" جازباسى ءۇشىن 3 جىلعا سوتتالىپ كەتتى" دەگەن اتاۋمەن شىققان بولاتىن.

 شترافتان - شتراف !

وڭعا بارساڭ - شتراف! "سولعا" بارساڭ - شتراف! 
ون كۇن ءوتىپ "تىركەۋسىز"، سون -عا بارساڭ شتراف! 
جول ەرەجە بۇزساڭىز، شترافقا پارا الىپ، 
تاياعى جوق قولىندا ماي - لارىڭ "ىسقىرات!"

بالاڭدى ۇرساڭ - شتراف! قاتىن سوقساڭ - شتراف! 
بەيبىت شەرۋ كوشەگە حالىقپەن  شىقساڭ - شتراف! 
اگرەسسور، شوۆينيست  سىناپ جازساڭ ءپۋتيندى، 
سوتتالاسىڭ بەس جىلعا  تۇرمەدە "كوزىڭ جىلتىراپ!"

جالعا بارساڭ - شتراف! اڭعا بارساڭ - شتراف! 
كوبەيتۋگە شتراف، مينيسترلەر "ۇشقىر - اق!" 
ۇلتتىق قوردىڭ "قالتاسىن" "تەسىپ" العان ۇكىمەت، 
شترافپەن "قۋالاپ"، حالىققا "قۇمالاق  تىشتىرات!"

ايمۇحانبەت بەيسەمبەكوۆ