اقش-تاعى وكلاحوما شتاتىنىڭ تۇرعىنى كەري يانگ جاتىرىنداعى ءسابيىنىڭ دۇنيە ەسىگىن مۇگەدەك بولىپ اشاتىنىن ەستىگەن سوڭ، ءبارىبىر بوسانۋعا بەل بۋادى. ونىڭ وزىندىك سەبەبى دە بار ەكەن – كومەككە مۇقتاج ناۋقاس سابيلەر ءۇشىن ءوز ءسابيىنىڭ اعزالارىن قۇربان ەتپەك. بۇل جايىندا ءسابيدىڭ بولاشاق اكەسى رويس يانگ ءوزىنىڭ Facebook پاراقشاسىنا جاريالاعان.

ءسابيدىڭ مي بولىكتەرىنىڭ دامىماي قالعانىن ەرلى-زايىپتىلار جۇكتىلىكتىڭ 20-اپتاسىندا بىلگەن ەكەن. ياعني، ءسابي دۇنيەگە كەلگەنىمەن، بويىندا ءومىر ءسۇرۋدىڭ بەلگىلەرى بولمايدى.  سول ساتتە، ايەل بالانى دۇنيەگە اكەلىپ، اعزالارىن باسقا ناۋقاس بالالار ءۇشىن اۋرۋحاناعا تاپسىرامىن دەپ شەشىم قابىلدايدى.

«مەن قىزىمنىڭ سۇلۋ بولعانىن قالار ەدىم. قىزىمىنڭ ءتاي-تاي باسقانىن كورگىم كەلەدى. ونى قولىما الىپ، سەرۋەندەگىم كەلەدى. بار قيىندىقتى وزگەرتىپ، تەك جاقسىلىققا سەنگىم كەلەدى. الايدا، بۇل مۇمكىن ەمەس. بۇل – ءبىزدىڭ شىندىعىمىز»، - دەپ جازدى رويس يانگ پاراقشاسىندا.

ءالى تۋىلماعان سابيگە اتا-اناسى ەۆا دەگەن ات قويدى. ولار ءقازىر جاس ءسابيدىڭ اعزا مۇشەلەرىن قاجەت ەتەتىن ناۋقاس بالالاردى ىزدەستىرۋ ۇستىندە. ايەلدىڭ تولعاعى 7 مامىرعا جوسپارلانعان ەكەن.

اۋدارعان: گۇلىم جاقان