ەلىمىزدەگى كوپ بالانى دۇنيەگە اكەلگەن ەڭ جاس انا – اقتوبەلىك ايساۋلە ساتىبالدييەۆا. بۇل جايىندا اقپارات «دياپازون» گازەتىندە بەرىلگەن.

سەرىك بايدەشيەۆ پەن ايساۋلە ساتىبالدييەۆا 3 جىل بۇرىن قايىندىساي اۋىلىنان العا اۋدانىنا كوشىپ كەلگەن. 8 بالاسىمەن سۋسىز، وتىنسىز كىشىگىرىم عانا ۇيدە كۇن كەشتى. بۇگىنگى كۇنى وتباسى جاڭاقونىستا تۇرادى. سەرىك بايداشيەۆ قوعامدىق كولىكتىڭ جۇرگىزۋشىسى بولىپ جۇمىس اتقاترادى. ايساۋلە جۇمىسسىز. كوپبالالى انا مەملەكەتتىڭ نازارى وزدەرىنە اۋىپ، كۇندەردىڭ بىرىندە ءوزىمىزدىڭ جەكە ۇيىمىزگە كوشەرمىز دەپ سەنەدى.

وتباسىندا 6 ۇل مەن 4 قىز بار. كىشىسى 1 جاسقا دا تولماپتى. ايساۋلەنىڭ ايتۋى بويىنشا، تاڭعى 4-تە دۇنيە ەسىگىن 3800 گرامم بولىپ اشقان ءبۇلدىرشىندى بوسانۋ قيىنعا سوعىپتى. ۇلدارىنىڭ ەسىمىن ساۋلەت دەپ اتاپتى.

«ءبىزدىڭ بالالارىمىزدىڭ ەسىمىن وسى ۋاقىتقا دەيىن تۋعان-تۋىستارىمىز قويىپ كەلگەن. ال، 10-شى بالامنىڭ ەسىمىن كۇيەۋىم ءوزى قويدى. كوپبالالى انا دەگەندە بيلىك تۇرماق، حالىقتىڭ ءوزى ۇركە قارايدى. تەرىس پىكىرلەر ەستىپ جاتامىز. ءبىراق مەن وندايلارعا كوڭىل اۋدارعىم كەلمەيدى. ماقساتىم – بالالارىمدى اياعىنان تىك تۇرعىزۋ».

ايتا كەتەيىك، 10-شى بالاسىن دۇنيەگە اكەلسە دە، مەملەكەت تاراپىنان ەشقانداي كومەك كورسەتىلمەگەن انا: «التىن القا» مەدالى تەك كوپبالالى انا ەكەنىمنىڭ بەلگىسى عانا»، - دەپ كۇيىنەدى.