Tarmac اعىلشىن كومپانياسىنىڭ ماماندارى نوسەر جاڭبىردان سوڭ جولدا بولاتىن سۋ تاسقىندارىنىڭ الدىن الاتىن ارنايى تاس جول ويلاپ تاپتى. بۇنداي ەرەكشە تاس جول ءتۇرىن جاساۋ ءۇشىن Tarmac كومپانياسىنان 60 ادام جۇمىسقا كىرىسكەن. كولىك قوزعالىسىنا توتەپ بەرە الاتىن ارنايى تاس جولدى ويلاپ تابۋ ماماندار ءۇشىن وڭايعا سوقپادى.

Tarmac Topmix Permeable تاس جولىنىڭ ارتىقشىلىقتارى مەن كەمشىلىكتەرى

يننوۆاسيالىق ماتەريالدى ماماندار Tarmac Topmix Permeable دەپ اتادى. بۇل ۋلتراتەسىكتى بەتون نوسەردەن كەيىنگى سۋ تاسقىندارىن جويۋعا باعىتتالعان. ەڭ باستىسى، تاس جول كولىك جۇرگىزۋشىلەرى ءۇشىن ءقاۋىپتى بولماۋى ءتيىس.

اعىن سۋ ماتەريالدىڭ جوعارعى قاباتىنداعى قيىرشىقتان جەر استى توپىراعىنا اعىپ كەتەدى. بۇل يننوۆاسيالىق جابدىقتاۋ 60 سەكۋندتا 4 مىڭ ليتر سۋ جۇتادى. ءبىر ەرەكشەلىگى، مامانداردىڭ پىكىرىنشە، اپتاپ ىستىق كۇندەرى سۋ ارنالارى جولدى سالقىنداتىپ وتىرادى ەكەن.

الايدا، جاڭا تەحنولوگيانىڭ كەمشىم تۇستارى دا جوق ەمەس. تاس جولدىڭ بۇل ءتۇرى تەمپەراتۋراسى نولدەن تومەن جولدارعا ارنالماعان. تومەن تەمپەراتۋرا بولعان جاعدايدا بەتون سىنىپ، جولدا سىزات پايدا بولۋى مۇمكىن. ءبىراق، ماماندار جاقىن ارادا بۇل ماسەلەنى شەشەتىن جولداردى تابامىز دەپ سەندىردى.

اقاپارات ByCars.ru سايتىنان الىنعان.