ەۋرازيا ەكونوميكالىق وداققا كىرەتىن مەملەكەتتەرى حالقىنىڭ بارلىعىنىڭ بىردەي ەكىنشى ازاماتتىعى بولۋى كەرەك، دەپ حابارلايدى minval.az، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

مۇنداي ويدى رەسەي مەملەكەتتىك دۋماسىنىڭ پروارمەنيالىق دەپۋتاتى كونستانتين زاتۋلين تىلشىلەرگە سۇحبات بەرۋ بارىسىندا ايتتى.

«مەن ۇنەمى وداقتاس مەملەكەتتەردىڭ ورتاق ەكىنشى ازاماتتىعى بولۋى ءتيىس دەپ ويلايتىنمىن. ال ءدال ءقازىر ەەو قۇرامىنداعى حالىقتارعا وسىنداي ازاماتتىقتىڭ كەرەك ەكەندىگىن ايتاتىن ۋاقىت جەتكەن ءتارىزدى. ەۋرو وداق ازاماتتىعى دەگەن سەكىلدى»، - دەپ مالىمدەدى دەپۋتات.

كونستانتين ءزاتۋليننىڭ ايتۋىنشا، بۇل يدەيانى ىسكە اسىرۋ ارقىلى ىشكى كەلەڭسىزدىكتەر مەن ەەو مۇشەلىگىندەگى ەلدەردىڭ پوزيسياسىن رەتتەۋگە بولادى.

ءوز كەزەگىندە رسەەيلىك ساياساتكەر ۆاديم دۋبنوۆ ارمەنيا بيلىگى ماسكەۋدىڭ كەز كەلگەن ۇسىنىسىمەن كەلىسەتىندىگىن اتاپ ءوتتى. الايدا، بۇل وي – ءولى يدەيا. ال زاتۋلين كەز كەلگەن ويدى ماقۇلداي الۋعا قۇزىرەتى جەتكىلىكتى رەسەيلىك تۇلعا.

«وسى تۇرعىدا ماسەلەنىڭ ەكى ۇشى بار. ءبىرىنشىسى ءزاتۋليننىڭ جەكە باسىنا قاتىستى. كەز كەلگەن يدەيانى ماقۇلداي الاتىن ارناۋلى ادامدار بار، ال زاتۋلين سولاردىڭ قاتارىندا. شىن مانىندە ءزاتۋليننىڭ ەۋرازيالىق پوستكەڭەستىك ينتەگراسيالىق بەدەلىنە ەش ءقاۋىپ ءتونىپ تۇرعان جوق، سول سەبەپتى دە ول ءوز ويىن ەركىن ايتىپ، ەركىن سويلەي الادى. بۇل باعىتتا بەلگىلى ءبىر ماسەلەلەر بار بولۋى مۇمكىن جانە دە ول نارسەنى شەشۋدى زاتۋلينگە جۇكتەسە كەرەك»، - دەپ ايتادى دۋبنوۆ.

اۋدارعان: نازەركە لابيحان