مەملەكەت باسشىسى نۇرسۇلتان نازاربايەۆ ءانشى ديماش قۇدايبەرگەنگە ارنايى ستيپەنديا تاعايىندادى، دەپ حابارلايدى inform.kz.
بۇل تۋرالى بۇگىن قازاق ۇلتتىق ونەر ۋنيۆەرسيتەتىندە ديماشپەن بىرگە وتكەن كەزدەسۋ كەزىندە مادەنيەت جانە سپورت ءمينيسترى ارىستانبەك مۇحامەدي ۇلى ايتتى.
مينيستر بۇل اقپاراتتى بۇگىن قازاق ۇلتتىق ونەر ۋنيۆەرسيتەتىندە ديماشپەن بىرگە وتكەن كەزدەسۋ كەزىندە ايتتى.
«بۇگىن ۇلتتىق ۋنيۆەرسيتەتتە ەرەكشە كۇن. ءبارىمىز بىرگە ديماشتى ونەر ورداسىندا قارسى الىپ وتىرمىز. بۇل ەلىمىزگە ۇلكەن ماقتانىش. ديماش جاستايىنان ءوزىن ونەرگە ارناپ، اقتوبەدەگى ونەر ۋچيليششەسىندە، ەندى استاناداعى ونەر اكادەمياسىندا ءدارىس الىپ ءجۇر»، – دەگەن مينيستر، جاس دارىننىڭ اتا-اناسى – قانات پەن سۆەتا ايتبايەۆتارعا، ديماشتىڭ ۇستازدارىنا العىسىن ايتتى.
«ديماش اياق استىنان تانىمال بولعان جوق، بۇرىننان كونكۋرستارعا قاتىسىپ كەلەدى. ديماشتىڭ بۇرىننان بەرى حالىقارالىق بايقاۋلارعا، مەملەكەتتىڭ ۇلكەن كونسەرتتەرىنە قاتىسىپ جۇرگەنىن جاقسى بىلەسىزدەر. جاقىندا عانا ەلباسى ءوزىنىڭ ارنايى ستيپەندياسىمەن ديماشتى باسقا دا ونەر ادامدارىمەن بىرگە قۇرمەتتەدى. ءبىزدىڭ ەلباسىمىزدىڭ ديماشقا دەگەن قامقورلىعىن وسىننان بىلۋگە بولادى»، – دەدى مينيستر.
