فيلم تۇسىرۋگە بيۋدجەتتەن اقشا الىپ، ونى باس پايداسىنا جاراتتى دەپ ايىپتالعان اتاقتى اكتەر بۇگىنگى وتىرىسقا جاقىندارىن تۇگەل ەرتىپ اكەلىپتى، دەپ حابارلايدى كتك جاڭالىقتارى.

ال ايىپتالۋشى ورىندىعىندا جامانقۇلوۆتان بولەك فيلم رەجيسسەرى مەن تاعى ونشاقتى ادام بار. 69 ميلليون تەڭگەنى كىمنىڭ، قايدا جىبەرگەنىن ەندى ءارقايسىسى  سوتقا جەكە ءتۇسىندىرىپ جاتىر. تۇڭعىشباي جامانقۇلوۆتىڭ ءوزى ءقازىر كەپىلاقىمەن بوستاندىقتا ءجۇر. ال اتىشۋلى رەجيسسەر تالعات جانىبەكوۆ ەكى ايدان بەرى قاماۋدا وتىرعانىن ايتا كەتەيىك. بۇگىنگى وتىرىستا ادۆوكات رەجيسسەردى دە كەپىلاقىمەن بوساتۋدى سۇرادى. قورعاۋشىنىڭ بۇل تالاپ-ارىزىنا قاتىستى شەشىم ەرتەڭ شىعادى. باسىندا اقشانى جەگەنىن مويىنداماي، كەيىن كەشىرىم سۇراپ، قارجىنىڭ دا ءبىر بولىگىن قايتارعان تۇڭعىشباي جامانقۇلوۆتىڭ ءوزى جۋرناليستەردى كورگىسى كەلىپ وتىرعان جوق.

باقىتگۇل قادىربەكوۆا، ت. جامانقۇلوۆتىڭ ادۆوكاتى:

- كوپ مالىمەتتى  دۇرىس جەتكىزبەي جاتىر. سوندىقتان ءبىز قارسى بولدىق. اۋىزدان شىققان مالىمەت دۇرىس جەتكىزىلۋى كەرەك حالىققا.