قر-نىڭ ەڭبەك جانە حالىقتى الەۋمەتتىك قورعاۋ مينيسترلىگى زەينەتاقى مەن جاردەماقىنى كوتەرۋ ماقساتىندا زاڭدار مەن تۇزەتۋلەر ەنگىزدى.

جاسى ۇلكەن كىسىلەر مەن جاس انالارعا ناقتى  قانشا كولەمدە  جاردەماقى بەرىلەتىندىگى ەسەپتەلىندى. بۇل تۋرالى qamshy.kz حابارلايدى، caravan.kz-كە سىلتەمە جاساي وتىرا.

بۇل بۇيرىققا ەلباسى قول قويىپ، الداعى شىلدەنىڭ 1-نەن باستاپ قازاقستاندىقتار زەينەتاقىسى 20 پايىزعا وسەتىنى بەلگىلى بولىپ وتىر. مينيمالدى وتەماقى سومماسى 8 مىڭ تەڭگەنى قۇراماق.

جالپى العاندا، ورتاشا زەينەتاقى مولشەرى بۇرىڭعىداي  55 مىڭ ەمەس 66 مىڭ تەڭگەنى قۇرايدى. بالا تۋۋ بويىنشا جاردەماقى قۇنى 27 پايىزعا كوبەيمەك.  ەگەر بۇرىندارى ايەل ادامدار ءبىرىنشى، ەكىنشى، ءۇشىنشى بالسى ءۇشىن 66 مىڭ-نان اسا جاردەماقى العان بولسا، جىلدىڭ ورتاسىنا قاراي بۇل سومما 86 مىڭ-عا دەيىن بارادى دەپ كۇتىلۋدە. ءتورتىنشى بالاعا جانە ودان كەيىنگى بالالارعا 142 مىڭ 947 تەڭگە  جاردەماقى تولەنەتىن بولادى.

بيۋدجەتتەن وسى تولەمدەرگە ارنايى  82 ميلليارد-قا جۋىق قاراجات ءبولىنۋى  قاراستىرىلىپ وتىر.  زەينەتاقى مەن جاردەماقىنى جوعارىلاتۋ ەكى كەزەڭدە: قاڭتار ايىنداعى 9 پايىزدىق كوتەرىلىم مەن شىلدە ايىنان باستالاتىن نەگىزگى كوتەرىلىم بولىپ جۇزەگە اسىرىلادى.