مەنىڭ اتىم – نۇرداۋلەت، تەگىم – ءنۇرادىل. ادامدار ءاتى-جونىمدى ءجيى شاتاستىرادى. مۇنداي جاعداي سىزدەردىڭ ءبارىڭىزدىڭ باسىڭىزدا بار! "-وۆ"، "-ەۆ"-تەن قۇتىلعان قازاقتاردىڭ اتى ەندى جاڭىلتپاشقا اينالدى. قايسىسى اتى، قايسىسى ءجونى نەمەسە ەركەك پە، ايەل مە ءبىلۋ قيىن. مىسالى، بەيبىت قۇرماناي ، جانات باقىت دەگەن كىسىلەر بار. قازاقتا بەيبىت پەن جانات قىزدارعا دا، ۇلدارعا قويىلا بەرەتىن ەسىم. كورسەتىلگەن اتى-جوننەن ەر ادام، نە ايەل ادام ەكەنىن ايىرۋ قيىن (سۋرەتى بولماسا). ەگەر بەيبىت قۇرماناي ۇلى، جانات باقىت قىزى نەمەسە كەرىسىنشە، بەيبىت قۇرماناي قىزى، جانات باقىت ۇلى بولسا، ءبارى تۇسىنىكتى بولار ەدى. مەنىڭشە، كەز-كەلگەن ادام وسى ءبىر ماسەلەگە جاۋاپكەرشىلىكپەن قاراۋى ءتيىس. زاڭ بويىنشا ازاماتقا ەكى مۇشەلىك (تەگى جانە اتى) جازۋعا مۇمكىندىك بەرىلگەن. ول بويىنشا قۇرماناي ۇلى بەيبىت نەمەسە باقىت قىزى جانات دەپ جازۋعا بولادى. مەنىڭشە، وسىلاي جازۋ دۇرىس. ءبىز وزگەرتە الماساق تا، بالالارىمىزدى وسىلاي جازدىرۋعا تىرىسايىق، اعايىن!
"داڭ دۋڭ، چاڭ چۋڭ" دەپ قىتايلاردىڭ اتىنا كۇلەمىز. سوڭعى كەزدەگى قازاقتاردىڭ "ەرەكشە" ەسىمدەرى كوبەيگەنىن ەسكەرسەك، بىزدەن دە "چاي پاي، ءايت دويتتەر" شىعىپ جۇرمەسىنە كىم كەپىل.
مەن "-ۇلى" جانە "-قىزى" دەپ جازۋدى قولدايمىن! ءسىز دە قولداڭىز!
نۇرداۋلەت ءنۇرادىل
پىكىر قالدىرۋ