مەملەكەت باسشىسى نۇرسۇلتان نازاربايەۆ ق ر كونستيتۋسياسىنىڭ 26-بابىن وزگەرىسسىز قالدىرۋدى ۇسىندى دەپ حابارلايدى اقوردانىڭ باسپا ءسوز قىزمەتى.

«جۇمىس توبىنىڭ وتىرىسى بارىسىندا نۇرسۇلتان نازاربايەۆ ق ر كونستيتۋسياسىنىڭ 26-بابىن بۇرىنعى رەداكسياسىندا قالدىرۋدى ۇسىندى»  دەلىنگەن حابارلامادا.

qamshy.kz 26-باپتىڭ 1-تارماقشاسىنداعى «قازاقستان رەسپۋبليكاسىنىڭ ازاماتتارى» ءسوزىن «اركىم» سوزىنە اۋىستىرۋعا قاتىستى ءوز قارسىلىعى رەتىندە ونىڭ قاۋىپتىلىگى تۋراسىندا كوپ جازدى. اتالعان ماسەلەنى كوتەرگەن ەدى. 

25 قاڭتاردا «قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن بۇكىلحالىقتىق تالقىلاۋ تۋرالى پرەزيدەنت نۇرسۇلتان ءابىش ۇلىنىڭ جارلىعى شىققان بولاتىن.

2017 جىلعى 26 قاڭتار - 2017 جىلعى 26 اقپان ارالىعىندا وتكىزىلگەن بۇكىل حالىقتىق تالقىلاۋعا ۇسىنىلعان «ق ر كونستيتۋسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنداعى 26 باپقا قاتىستى وزگەرىسكە حالىق قاتاڭ نارازى بولدى. «قامشى» پورتالى جانە باسقا دا قازاق ءتىلدى ب ا ق قوعام تالابىن اشىق كوتەردى. 

ەستەرىڭىزگە سالا كەتەيىك، 26-باپتىڭ 1-تارماقشاسىنداعى «قازاقستان رەسپۋبليكاسىنىڭ ازاماتتارى» ءسوزىن «اركىم» سوزىنە اۋىستىرعان جۇمىس توبىنىڭ ەنگىزگەن ۇسىنىستارى باسپا ءسوز بەتتەرىندە، الەۋمەتتىك جەلىلەردە قىزۋ پىكىرتالاس تۋدىردى. بۇل ەڭ الدىمەن قوعامداعى جەكەلەگەن مۇشەلەردىڭ شەتەلدىكتەرگە جەرگە مەنشىك قۇقىعىن بەرەدى دەگەن الاڭداۋشىلىقتارىنا بايلانىستى تۋىندادى. كەيبىر ساياساتكەرلەر، زاڭگەرلەر مەن جاي ازاماتتار تاراپىنان بۇل نورما وتكىر سىنعا الىنسا، بەلگىلى عالىمدار مەن پراكتيكتەر تاراپىنان قولداۋعا يە بولعان.

ايتا كەتەر بولساق، 2016 جىلى قازاق جەرىن اۋكسيون ارقىلى شەتەلدىكتەرگە ساتۋعا بايلانىستى دا بۇكىلقازاقستاندىق ميتينگىلەردەن وتكەننەن كەيىن ەلباسى جەر تۋرالى زاڭعا ماراتوريي جاريالاعان ەدى.