كوپتەگەن عىلىمي تۇجىرىمدارعا سۇيەنسەك، دىنگە سەنبەيتىن پەندەلەردىڭ بۇكىل عۇمىرى ۋايىم مەن قايعىعا، قورقىنىش پەن ۇمىتسىزدىككە تولى بولادى ەكەن. سونىمەن قاتار، ونداي ادامداردىڭ اعزالارى ءتۇرلى اۋرۋلارعا قارسى تۇرۋ قابىلەتى ناشار، ياعني يممۋنيتەتى تومەن، پسيحوسوماتيكالىق جاراتىلىسى ءالسىز بولادى. سول سەبەپتى، دىنگە سەنبەيتىن ادامدار تاندىك جاعىنان تەز قارتايادى.

ويتكەنى، ۇنەمى بولاتىن الاڭ-داۋشىلىق، شاراسىزدىق، ۇمىتسىزدىك، تىنىشسىزدىق اعزاعا جانە جان-دۇنيەگە ءوزىنىڭ كەرى اسەرىن تيگىزبەي قويمايتىنىن مەديسينا ماماندارى دا راستايدى.

ال دىنگە بويۇسىناتىندار رۋحاني تۇراقتى، پسيحولوگياسى ءتوزىمدى، قيىنشىلىققا سابىرلى ءارى سالماقتى بولىپ كەلەدى. سونداي-اق، ءتانى دە ۇزاق ۋاقىتقا دەيىن ءوزىنىڭ جاستىق قالپىن ساقتاپ قالادى. دەنساۋلىقتارى كوبىنەسە مىقتى بولادى.

نەگىزىنەن، شىنايى سەنىم دەگەنىمىز – ومىردەگى بارلىق جاعدايلاردان تەك جاقسىلىقتى كورە ءبىلۋ، ال قيىنشىلىق – ول اللانىڭ سىناعى دەپ قابىلداۋ ەكەنىن ەستەن شىعارماۋىمىز كەرەك. سوندا ادام الاڭسىز، تىنىش ءارى بەيبىت ءومىر سۇرەدى.

دىنگە سەنبەيتىن جاندار كەي جاعدايلاردا قيىنشىلىقتارعا توزە الماي، رۋحاني جۇدەپ، ءتۇرلى دەرتكە، رۋحاني اۋرۋلارعا، ۇيقىسىزدىققا تاپ بولىپ، ءتىپتى ناشاقورلىققا، ماسكۇنەمدىككە سالىنىپ جاتادى. كەيبىرى ومىردەن ءتۇڭىلىپ، وز-وزدەرىنە قول جۇمسايدى.

قازىرگى كۇنى كوپتەگەن مەديسينا ماماندارى ادامداردىڭ ءارتۇرلى جامان جولدارعا، سۋيسيدكە بارۋىنىڭ الدىن-الاتىن بىردەن-بىر جول – قۇدايعا دەگەن سەنىم ەكەنىن ايتىپ كەلەدى. ول ءۇشىن ءبىز جاس جەتكىنشەكتەرگە ءدىني تالىم-تاربيە بەرىپ، بويلارىنا يماندىلىقتىڭ ءدانىن ەگۋىمىز قاجەت.

«كىمدى دۇرىس جولعا سالعىسى كەلسە، اللا ونىڭ كوكىرەگىن يسلام ءۇشىن كەڭ اشادى. ال كىمدى ازدىرعىسى كەلسە، ونىڭ كوكىرەگىن تارىلتقانى سونشا، (يسلام دىنىنە سەنۋ-يلانۋ) ولار ءۇشىن تاۋعا شىعۋدان دا قيىن سەزىلەدى. اللا يمانسىزداردى وسىلاي قينايدى» («ءانعام» سۇرەسى، 125-ايات).

دەرەككوز: Islam.kz