ينتەرنەتتە نەكەسىز ينتيمدىك قاتىناسقا تۇسكەنى ءۇشىن ايەلدى يندونەزيا حالقى جازالاپ جاتقان كەزدەگى سۋرەتتەرى جاريالاندى، دەپ جازادى Mirror، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.
سۋماترا ارالىندا ورنالاسقان اچەح قىستاعىندا ەلدىڭ الدىندا ايەلدى شاريعات زاڭى بويىنشا شىبىقپەن ۇرىپ-سوققان. بۇل ەلدە نەكەسىز قاتىناسقا تۇسۋگە قاتاڭ تىيىم سالىنعان. سۋرەتتە كورىپ تۇرعانىمىزداي، بەتىنە بەتپەردە كيگەن ادام جازانى ورىنداۋشى. يندونەزيادا مۇنداي جازا قولدانۋ قالىپتى جاعداي بولىپ تابىلادى.
جازاعا تارتىلۋشىعا 23 دۇرە سوققان.
اچەح قىستاعى يندونەزياداعى شاريعات زاڭىن ۇستاناتىن جالعىز ايماق. بۇل مەكەندە يسلام زاڭدارى بويىنشا قىلمىسكەرلەردى جازالاۋ ءۇردىسى اۆتونوميالىق ستاتۋس العاننان سوڭ 2001 جىلدان باستالعان.
